قازاق قىزى قىتايداعى جارىستىڭ فينالىنا ءبىر قادام جەتپەي توقتادى
استانا. KAZINFORM - تەننيستەن قازاقستان ۇلتتىق قۇراماسىنىڭ مۇشەسى جىبەك قۇلامبايەۆا جۇپتىق سىندا گۋاڭجوۋ (قىتاي) WTA 250 تۋرنيرىنىڭ فينالىنا شىعا المادى.
قازاقستاندىق تەننيسشى نيدەرلاندىلىق يزابەل حوۆەرلاگپەن بىرگە جارتىلاي فينالدا قىتايلىق تايبەي وكىلدەرى ي-حسۋان چو-ي سەن چوعا تاپ بولدى.
ءبىرىنشى پارتيادا تايبەيلىك جۇپ 6:3 ەسەبىمەن باسىم ءتۇستى. ولار ەكىنشى سەتتە دە ەش مۇمكىندىك قالدىرمادى - 6:1.
ءبىر ساعاتتان ءسال استام ۋاقىتقا سوزىلعان باسەكەدە جىبەك پەن يزابەل 1 ەيسپەن شەكتەلدى. تايبەيلىك دۋەت 6 برەيك-پوينتتىڭ تورتەۋىن پايدالانا ءبىلدى.
دەگەنمەن ج. قۇلامبايەۆا مەن ي. حوۆەرلاگ ءۇشىن بۇل دودا تابىستى بولدى دەۋگە نەگىز بار. ولار شيرەك فينالدا جارىستىڭ 1-راكەتكالارى، رەسەيلىك ماريا كوزىريەۆا – ۇلى بريتانيالىق مايا لۋمسدەندى جولدان تايدىردى.
جىبەك قۇلامبايەۆا جارتىلاي فينالعا دەيىن جەتۋىنىڭ ناتيجەسىندە جۇپتىق سىندا الەمدىك رەيتينگىدە سپورتتىق جولىندا العاش رەت توپ-100 گە كىرىپ، قازىرگى كەزدە 96-ورىنعا كوتەرىلىپ تۇر.
ەسكە سالا كەتەيىك، بۇدان بۇرىن توكيو تۋرنيرىندە پۋتينتسيەۆانى جەڭگەن رىباكينانىڭ شيرەك فينالعا شىققانىن جازعان ەدىك.
سونداي-اق ەلەنا رىباكينا جىلدى الەمنىڭ ءبىرىنشى راكەتكاسى رەتىندە اياقتايتىنى ءوزى ءۇشىن ۇلكەن قۋانىش ەكەندىگىن ايتتى.
ەلەنا رىباكينا جاراقاتىنا بايلانىستى توكيو تۋرنيرىنىڭ جارتىلاي فينالىنان تىس قالدى.
