قازاق قىزى ازيا تەننيس فەدەراتسياسىنىڭ رەيتينگىندە كوش باستادى

استانا. KAZINFORM - قازاق قىزى ايشا سايران 16 جاسقا دەيىنگىلەر اراسىندا ازيا تەننيس فەدەراتسياسىنىڭ رەيتينگىندە كوش باستادى.

تەننيس فەدەراتسيانىڭ باسپا ءسوز قىزمەتى ءمالىم ەتكەندەي، جاڭارتىلعان رەيتينگىدە ايشا سايران 1574 ۇپايمەن ءبىرىنشى ورىنعا كوتەرىلدى. تاعى ءبىر قازاقستاندىق ادەلينا مامانفينا 1497 ۇپايمەن ەكىنشى ساتىدا تۇر.

سونداي-اق 14 جاسقا دەيىنگىلەر اراسىندا Tennis Europe رەيتينگىسىندە روديون ترايگەل 27-ورىنعا شىقتى.

روديون مالايزيادا وتكەن ازيا چەمپيوناتىندا جارتىلاي فينالعا دەيىن جەتكەن ەدى. روبەرت كامينسكي – 42، اڭسار نيەتقاليەۆ 69-ساتىدا كەلەدى. احمادي ماقانوۆ بىردەن 74-ساتىعا جوعارىلادى. قازىر ول 111- ءىنشى، دياس تولەپبەرگەنوۆ 116-ورىندا (44+). قىزدار اراسىندا رۋسلانا رۋسلانوۆا 80-ساتىدا.

جاس وسپىرىمدەر اراسىندا ITF رەيتينگىسىندە توپ-100 دە ءتورت بىردەي قازاقستاندىق تەننيسشى بار. ءامىر ومارحانوۆ – 13، دانيال راحماتۋللايەۆ – 68، سونيا جيەنبايەۆا – 30، اسىلجان ارىستانبەكوۆا 41-ورىندا كەلەدى.

ولاردىڭ بارلىعى جاس وسپىرىمدەر اراسىنداعى «رولان گارروس» تۋرنيرىنە قاتىسۋدان ءۇمىتتى.

اۆتوركۇنسۇلتان وتارباي