قازاق قىزدارى IT سالاسىن مەڭگەرۋدە
ەلوردادا IT- AIEL باعدارلاماسىن تابىستى اياقتاعان 50 قىز-كەلىنشەككە سەرتيفيكات تاپسىرىلىپ، 5 جوبانىڭ تانىستىرىلىمى ءوتتى، دەپ حابارلايدى Kazinform.
«ءبىز الداعى ۋاقىتتا دا بۇل باعدارلاماعا قارجىلاي قولداۋ كورسەتىپ، ىلگەرىلەتە بەرەمىز دەپ ويلايمىن. الداعى 3 جىلدىڭ ىشىندە IT- يندۋسترياسىنداعى ەكسپورت كولەمىن 1 ميلليارد دوللارعا دەيىن جەتكىزۋ سىندى ۇلكەن مىندەت تۇر. سوندىقتان دا وسى باعىتتا اۋقىمدى جۇمىس جۇرگىزىلىپ جاتىر. استانا حابتى قولداۋعا ارنالعان جىلدىق باعدارلاماعا ميلليارد تەڭگەدەن اساتىن قارجى جۇمسالادى. ال الدىمىزدا ەكسپورت كولەمىن ميلليارد دوللارعا جەتكىزۋ مىندەتى تۇر. بۇل 450 ەسە كوپ. بيىل بۇل تاپسىرمانى مەرزىمىنەن بۇرىن ورىندايمىز»، - دەدى سيفرلىق دامۋ، يننوۆاتسيالار جانە اەروعارىش ونەركاسىبى ءبىرىنشى ۆيتسە-ءمينيسترى قانىش تولەۋشين.
ءىس-شارا بارىسىندا باعدارلاما اياسىندا IT ءبىلىمىن جەتىلدىرگەن دايانا احمەتبەكوۆا يمميگرانتتاردى الەۋمەتتىك بەيىمدەۋ ماسەلەلەرىنە ارنالعان جوباسىن تانىستىردى.
«مەنىڭ جوبام يننوۆاتسيالىق شەشىمدەردى ۇسىنادى. قوسىمشا قازاقستانداعى مادەنيەت، ءبىلىم جانە جۇمىس جايلى اقپاراتتاردى بەرەدى. ءتىل ۇيرەنۋگە جاردەمدەسىپ، الەۋمەتتىك ىقپالداسۋعا جول اشادى»، - دەدى ول.
بالا كۇتىمىنە بايلانىستى ۇيدە وتىرعان جوبانىڭ تاعى ءبىر قاتىسۋشىسى ءاليا ورازىمبەتوۆا دا 2 ايلىق باعدارلامانى وقىعاننان كەيىن جوبا ازىرلەگەن.
«Technowomen ارقىلى جوباسى جايلى ءبىلدىم. ءبىلىمىمدى تەگىن جەلدىرگەننەن كەيىن IT سالاسىنداعى جوبامدى دۇنيەگە اكەلدىم. ەلوردادا مەكتەپكە دەيىنگى باستاعى جەتكىنشىەكتەر ءۇشىن IT-bala دەپ IT ورتالىعىن اشقىم كەلەدى»، - دەدى جوبا قاتىسشىسى.
