قازاق- قىتاي فورۋمىندا ديماش قۇدايبەرگەننىڭ جاڭا بەينەبايانى تانىستىرىلدى

الماتى. KAZINFORM - قىتايداعى قازاقستان تۋريزم جىلىنىڭ جابىلۋىندا ديماش قۇدايبەرگەننىڭ جاڭا بەينەبايانى تانىستىرىلدى.

الماتىدا قىتايداعى قازاقستان تۋريزم جىلىنىڭ جابىلۋىنا ارنالعان فورۋم ءوتىپ جاتىر. وعان ەكى ەلدىڭ تۋريزم يندۋسترياسىنىڭ 300 دەن استام وكىلى قاتىستى. فورۋم اياسىندا قىتايداعى قازاقستان ءتۋريزمىنىڭ جىلى قورىتىندىلاندى.

سونداي-اق، فورۋم قاتىسۋشىلارى ديماش قۇدايبەرگەننىڭ «كيەلى مەكەنىم» انىنە ارنالعان جاڭا كليپىن ءبىرىنشى بولىپ تاماشالادى.

تۋعان ەل تۋرالى پاتريوتتىق كومپوزيتسيا قازاقستاننىڭ باي تابيعاتى مەن مادەنيەتىن كەڭ اۋديتورياعا پاش ەتەدى.

«كيەلى مەكەنىم» جاڭا بەينەبايانى قازاقستاننىڭ كورىكتى جەرلەرىنە نازار اۋدارادى. كورەرمەندەر كورنەكتى تۋريستىك ورىندارعا ۆيزۋالدى ساياحات جاساي الادى. ونىڭ ىشىندە شارىن شاتقالى، كولساي كولدەرى، اقمەشىت ۇڭگىرى، ازىرەت-سۇلتان مۇراجاي-قورىعى، بوزجىرا شاتقالى، تورىش القابى ءتارىزدى بىرەگەي ورىندار بار. ۆيدەودا بۋراباي، كاتونقاراعاي، التىن- ەمەل، جوڭعار-الاتاۋ ۇلتتىق پاركتەرىنىڭ كادرلارى دا ۇسىنىلعان.

ەسكە سالايىق، بۇعان دەيىن ناۋرىز ايىندا بەيجىڭ قالاسىندا قىتايداعى قازاقستان تۋريزم جىلى حالىقارالىق تۋريزم مەن ينۆەستيسيالارعا ارنالعان فورۋمنان باستالعانىن جازعانبىز.

اۆتور
دوسبول اتاجان