قازاق-قىرعىز شەكاراسىندا بۇرىش دەپ اكەلە جاتقان تاۋار 195 مىڭ قوراپ تەمەكى بولىپ شىقتى

استانا. KAZINFORM - قازاقستان مەن قىرعىزستان شەكاراسىندا تەمەكىنىڭ ءىرى پارتياسى ۇستالدى.

قازاق-قىرعىز شەكاراسىندا «قاراسۋ» جانە «ايشا ءبيبى» وتكىزۋ پۋنكتتەرىندە تەمەكىنى زاڭسىز اكەلۋ ارەكەتتەرى قيىلىسقان.

زاڭسىز پارتيانى 26-قىركۇيەكتە مەملەكەتتىك كىرىستەر ورگاندارى مەن شەكاراشىلار ۇستادى.

«قاراسۋ» وتكىزۋ پۋنكتىندە تەمەكى تاۋارعا ىلەسپە قۇجاتتار بويىنشا بولگار بۇرىشىن تاسىمالداعان رەفريجەراتوردان تابىلدى.

تەكسەرۋ بارىسىندا «Oris» ، Parlament» ، Zumerret» ماركالى جاريالانباعان 180 مىڭنان استام قوراپ تەمەكى تابىلدى.

«ايشا ءبيبى» وتكىزۋ پۋنكتىندە تاۋارعا ىلەسپە قۇجاتتار بويىنشا بۇرشاقتى تاسىمالداعان جۇك اۆتوكولىگىندە تەكسەرۋ بارىسىندا جاريالانباعان 15 مىڭ قوراپ «Oris» تەمەكىسى انىقتالدى.

بارلىق تەمەكى ونىمدەرىندە اكسيزدەلەتىن ءونىم ءۇشىن كوزدەلگەن سايكەستەندىرۋ قۇرالدارى جوق.

ءىس جۇرگىزۋ شەشىمىن قابىلداۋ ءۇشىن بارلىق ماتەريالدار جامبىل وبلىسى بويىنشا ەكونوميكالىق تەرگەۋ دەپارتامەنتىنە تاپسىرىلادى.