قازاق ەلى قايراتكەر اقىن مۇحتار شاحانوۆپەن قوشتاسىپ جاتىر
استانا. قازاقپارات – 21-ساۋىردە تاڭەرتەڭنەن باستاپ الماتىدا حالىق اقىن مۇحتار شاحانوۆپەن قوشتاسۋ راسىمىنە جينالدى.
اباي اتىنداعى قازاق ۇلتتىق وپەرا جانە بالەت تەاترىندا ءوتىپ جاتقان ازالى جيىنعا حالىقپەن بىرگە ەلگە بەلگىلى ازاماتتار، ونەر ادامدارى، بيلىك وكىلدەرى مەن دەپۋتاتتار كەلدى.
ساحناعا اقىننىڭ «ءبىز شىققان تاۋ - شىندىق تاۋى، بارلىق تاۋدان بيىك تاۋ!» دەگەن ەكى جول ولەڭى جازىلعان.
ەسكە سالا كەتەيىك، ايگىلى قازاق اقىنى، دراماتۋرگ، قوعام قايراتكەرى، قازاقستاننىڭ ەڭبەك ەرى، حالىق جازۋشىسى مۇحتار شاحانوۆ 84 جاسقا قاراعان شاعىندا قايتىس بولدى.
مۇحتار شاحانوۆتىڭ جۇبايى حانشايىم شاحانوۆا پرەزيدەنت قاسىم-جومارت توقايەۆقا اقىننىڭ سوڭعى ءوتىنىشىن جەتكىزدى. سوڭعى تىلەگىندە ول ءوزىن اتا-بابالارىمىزدىڭ كيەلى مەكەنى، وتىرار وڭىرىندەگى ارىستانباب كەسەنەسىنىڭ ىرگەسىنە جەرلەۋدى وتىنگەن.
اقىننىڭ سوڭعى تىلەگى بويىنشا مۇحتار شاحانوۆ ارىستانباب كەسەنەسىنىڭ جانىنداعى زيراتقا جەرلەنەدى.
