قازاق ۇلتتىق اگرارلىق زەرتتەۋ ۋنيۆەرسيتەتىنىڭ لاۋازىمدى تۇلعالارى ۇرلىق جاساعانى ءۇشىن سوتتالدى

الماتى. KAZINFORM - الماتى قالاسىنىڭ پروكۋراتۋراسى قازاق ۇلتتىق اگرارلىق زەرتتەۋ ۋنيۆەرسيتەتىنىڭ (بۇدان ءارى - ۋنيۆەرسيتەت) جالعان تۇقىم ەگۋ جانە ەگۋ ورىندارىن وڭدەۋ جولىمەن بيۋدجەت قاراجاتىن جىمقىرۋ فاكتىسى بويىنشا سوتقا دەيىنگى تەرگەپ-تەكسەرۋدى اياقتادى.

بۇعان دەيىن باس پروكۋراتۋرانىڭ تاپسىرماسىمەن ۋنيۆەرسيتەتتىڭ قىزمەتىنە تەكسەرۋ جۇرگىزىلگەن، وندا 2020 -جىلى ۋنيۆەرسيتەت جالپى سوماسى 43,8 ملن تەڭگەگە قانت جۇگەرىسىنىڭ تۇقىمىن، «امموفوس» مينەرالدى تىڭايتقىشى مەن اممياكتى سەليتراسىن ساتىپ الۋعا مەملەكەتتىك ساتىپ الۋ تۋرالى 3 شارت جاساسقانى انىقتالعان.

تەكسەرۋ جوعارىدا اتالعان تاۋارلاردىڭ ءىس جۇزىندە جەتكىزىلمەگەنىن، اقشا قاراجاتىنىڭ قولما-قول اقشاعا اينالدىرىلعانىن كورسەتتى.

№2 مەدەۋ اۋداندىق سوتىنىڭ ۇكىمىمەن ۋنيۆەرسيتەتتىڭ «سايماساي» وقۋ-تاجىريبەلىك شارۋاشىلىعىنىڭ ديرەكتورى قىلمىستىق كودەكستىڭ 189-بابى 4-بولىگىنىڭ 2-تارماعىندا كوزدەلگەن قىلمىستى جاساعانى ءۇشىن كىنالى دەپ تانىلىپ، 7 جىلعا شارتتى تۇردە باس بوستاندىعىنان ايىرۋعا سوتتالدى. زالال تولىق كولەمدە وتەلدى.

ۇكىم زاڭدى كۇشىنە ەندى.