قازاق كۇرەسىنەن ەۋروپا چەمپيوناتىنىڭ جەڭىمپازدارى انىقتالدى
استانا. KAZINFORM - ءازىربايجاننىڭ باكۋ قالاسىندا قازاق كۇرەسىنەن ەرەسەكتەر اراسىندا 6-ەۋروپا چەمپيوناتى مارەسىنە جەتتى.
ق ر سپورت كوميتەتى ءمالىم ەتكەندەي، «بىرىككەن كۇرەس الەمى» (UWW) اياسىنداعى بىرىنشىلىكتە ەرلەر (8 سالماق) مەن ايەلدەر (8 سالماق) 16 سالماق دارەجەسىندە كىل مىقتىلاردى انىقتادى.
ايتا كەتەيىك، الەمنىڭ 5 قۇرلىعىنداعى 40 تان استام مەملەكەتىندە ءتول كۇرەسىمىزدەن فەدەراتسيالار اشىلعان بولاتىن. بۇگىنگە دەيىن قازاق كۇرەسىنەن 10 الەم چەمپيوناتى، 12 ازيا چەمپيوناتى، 6 الەم كۋبوگى جانە 5 ەۋروپا چەمپيوناتى ءوتىپ، ءتول كۇرەسىمىز قارقىندى دامىپ كەلە جاتىر. بۇدان بولەك يران مەن برازيليادا كادەتتەر مەن جاستار اراسىندا الەم چەمپيوناتتارى، وڭتۇستىك افريكادا 2 افريكا بىرىنشىلىگى، برازيليادا وڭتۇستىك امەريكا چەمپيوناتى ۇيىمداستىرىلدى. ال Qazaq Kuresi اسسوتسياتسياسىنىڭ ءازىربايجاندا ۇيىمداستىرعان بۇل جولعى الامان جارىسقا قاتىسۋعا نيەت بىلدىرگەن ەلدەردىڭ دە سانى از بولمادى.
اتالعان بىرىنشىلىككە الەمنىڭ 15 كە جۋىق ەلىنىڭ سپورتشىلارى قاتىستى.
جارىس جەڭىمپازدارى.
ەرلەر:
55 كەلى - Nika Bachiashvili GEO
60 كەلى - Eyvaz Bakhshiyev AZE
66 كەلى - Mirfattah Seydaliyev AZE
74 كەلى - Hajali Gasimov AZE
82 كەلى - Adil Adilzade AZE
90 كەلى - Jeyhun Huseynov AZE
100 كەلى - Zurab Chagelishvili GEO
100+ كەلى - Mahammad Mammedzada AZE
ايەلدەر:
48 كەلى - Nino Iashvili GEO
52 كەلى - Anano Morgoshia GEO
56 كەلى - Mariam Mazanashvili GEO
60 كەلى - Mari Makharashvili GEO
65 كەلى - Diana Shoranova AZE
70 كەلى - Ana Chkhaidze GEO
77 كەلى - Shahana Almammadova AZE
77+ كەلى - Elene Kebadze GEO
جارىس قورىتىندىسىنا سايكەس، I ورىنعا 1000، Ⅱ ورىنعا 500، ال Ⅲ ورىنعا 250 ا ق ش دوللارى كولەمىندە اقشالاي سىيلىق تابىستالدى.
چەمپيوناتتىڭ باس تورەشىسى، حالىقارالىق دارەجەدەگى مامان سەرگەي تحاكتىڭ ايتۋىنشا، بۇگىنگى تاڭدا قازاق كۇرەسى وركەندەپ، كۇللى الەمدە كەڭىنەن ناسيحاتتالۋىنىڭ ناتيجەسىندە ونى جاندارىنا سەرىك ەتكەندەردىڭ قاتارى قالىڭداي تۇسكەن.
اۆتور كۇنسۇلتان وتارباي
