نەتانياحۋ ترامپقا «حەزبوللاعا» قارسى وپەراتسيادان ەستەلىك پەيدجەرلەرىن سىيلادى
استانا. KAZINFORM - يزرايل پرەمەرى بينيامين نەتانياحۋ 4-اقپاندا ۆاشينگتوندا ا ق ش پرەزيدەنتى دونالد ترامپپەن كەزدەسۋدە وعان «حەزبوللاعا» قارسى وپەراتسيادان ەستەلىك رەتىندە «جاي جانە التىن جالاتىلعان» ەكى پەيدجەر سىيعا تارتتى.
ت ا س س مالىمەتىنشە، دونالد ترامپ ءوز كەزەگىندە «بۇل اۋقىمدى وپەراتسيا بولعانىن» مالىمدەدى.
2024 - جىلدىڭ 17-18- قىركۇيەگىندە ليۆاننىڭ ءارتۇرلى بولىكتەرىندە بايلانىس قۇرىلعىلارىنىڭ، اتاپ ايتقاندا پەيدجەرلەر مەن راتسيالار جارىلىسى بولدى. رەسپۋبليكا بيلىگىنىڭ مالىمەتىنشە، 37 ادام قازا تاۋىپ، 3 مىڭنان استامى جارالانعان. ليۆانداعى حەزبوللا ۇيىمى جارىلىستارعا يزرايلدى ايىپتادى. ەۆرەي مەملەكەتى باستاپقىدا بۇل وپەراتسياعا ءوزىنىڭ قاتىسى بار ەكەنىن رەسمي تۇردە مويىندامادى، ءبىراق سول جىلدىڭ 11-قاراشاسىندا گەندەلمان ت ا س س اگەنتتىگىنە ليۆانداعى بايلانىس قۇرىلعىلارىن جارۋ وپەراتسياسىن نەتانياحۋدىڭ جەكە ءوزى ماقۇلداعانىن ايتتى.
4-اقپان كۇنى نەتانياحۋ مەن ترامپتىڭ كەزدەسۋى بەس ساعاتقا سوزىلدى جانە ا ق ش پرەزيدەنتىنىڭ «پرەمەر-ءمينيستردى اق ءۇيدىڭ سىرتىندا ءوزى قارسى الۋىنان باستالدى»، - دەدى پرەمەر-مينيستر كەڭسەسىنىڭ كەڭەسشىسى.
- بۇل تاريحي ساپار بولدى، ءبىراق بارىنەن بۇرىن بۇل امەريكا پرەزيدەنتى مەن يزرايل پرەمەر-ءمينيسترى اراسىنداعى تاريحتاعى ەڭ دوستىق كەزدەسۋ بولدى، - دەپ اتاپ ءوتتى گەندەلمان.
ونىڭ ايتۋىنشا، ترامپ «پرەمەر-مينيسترگە «بيي - (بەنيامين نەتانياحۋ) ۇلى كوشباسشى» دەگەن قولتاڭباسى بار فوتوسۋرەت سىيعا تارتتى.
كەزدەسۋ بارىسىندا نەتانياحۋ ترامپقا «يزرايلگە سوعىس كەزىندە قارۋ-جاراق جەتكىزۋگە قويىلعان شەكتەۋلەردى الىپ تاستاعانى ءۇشىن، سونداي-اق يزرايل مەن ونىڭ پرەمەر-مينيسترىنە ءسوزسىز قولداۋ كورسەتكەنى ءۇشىن العىس ايتتى»، - دەپ قوستى گەندەلمان.
ول «ترامپ يزرايل نەگىزى قالانعان كەزدەن بەرى مازالاپ جۇرگەن ماسەلەلەرگە جاڭا شەشىمدەر ۇسىنعانىن» اتاپ ءوتتى.
ەسكە سالساق، دۇيسەنبىدە يزرايل پرەمەر-ءمينيسترى بەنيامين نەتانياحۋ ا ق ش پرەزيدەنتى دونالد ترامپپەن كەزدەسۋ ءۇشىن ۆاشينگتونعا كەلگەنى حابارلاندى.
نەتانياحۋ ا ق ش-تىڭ تاياۋ شىعىستاعى ارنايى وكىلى ستيۆەن ۋيتكوففپەن يزرايل مەن حاماس اراسىنداعى اتىستى توقتاتۋ جانە باسقا دا ايماقتىق ماسەلەلەر بويىنشا كەلىسسوزدەر جۇرگىزەتىنى ايتىلدى.
