قازاق كۇرەسى العاش رەت جاۋىنگەرلىك ونەر ويىندارىنىڭ باعدارلاماسىنا ەندى

 ساۋد ارابياسىنىڭ استاناسى ار- ريادتا ءوتىپ جاتقان V دۇنيەجۇزىلىك جاۋىنگەرلىك ونەر ويىندارىنىڭ باعدارلاماسىنا قازاق كۇرەسى قوسىلدى، دەپ حابارلايدى Kazinform.

اتالمىش دوداعا 14 مەملەكەتتەن كەلگەن 40 پالۋان قاتىسىپ جاتىر. ولار: يتاليا، ازەربايجان، پولشا، موڭعوليا، گرۋزيا، وزبەكستان، تاجىكستان، قىرعىز رەسپۋبليكاسى، تۇرىكمەنستان، يران، سەربيا، ءۇندىستان، نيدەرلاند كورولدىگى، قازاقستان.

ايتا كەتەيىك، ۇلتتىق سپورت - قازاق كۇرەسى باسەكەسىندە ەرلەر ءۇش، ايەلدەر ەكى سالماقتا كىم مىقتىنى انىقتايدى.