قازاق جىگىتتەرى ۇرىپ كەتەتىن: بەلگىلى سۋرەتشىنىڭ جۇمباق عۇمىرى

15-جەلتوقسان - قازاقتان شىققان تۇڭعىش سۋرەتشى قىز گۇلفايرۋز ىسمايلوۆانىڭ تۋعان كۇنى. Bugin.kz پورتالى قازاق سۋرەت ونەرىنىڭ حانشايىمى تۋرالى قىزىق دەرەكتەر ۇسىنادى.

قازاق ك س ر-نىڭ ەڭبەك سىڭىرگەن ونەر قايراتكەرى، اتاقتى قازاق كەسكىندەمەشىسى 1929 -جىلى الماتى قالاسىندا دۇنيەگە كەلگەن.

شىن ەسىمى - قوڭاربايەۆا كۇلپاش تانسىقباي قىزى. ورىس قۇربىلارى «كۋلتيا» دەپ اتاعان. ەسىمى ۇناماعان سوڭ، ءتولقۇجات العان كەزدە اتىن گۇلفايرۋز دەپ وزگەرتىپ الادى.

اتاقتى سۋرەتشى سولاقاي بولعان.

سوڭعى ەكى ناتيۋرمورتى داريعا نازاربايەۆانىڭ جەكە كوللەكسياسىندا ساقتالعان.

2002 -جىلى «پلاتيندى تارلان» سىيلىعىنىڭ يەگەرى اتاندى.

ەڭ ۇلكەن كوللەكسياسى ءابىلحان قاستەيەۆ اتىنداعى ونەر مۇراجايىندا ساقتالعان. استانادا 10 عا جۋىق جيۆوپيستەرى بار.

1953 -جىلى ۆاسيلەۆ ارالىندا ەۆگەني سيدوركينمەن ەكى جاقتىڭ دا اتا-اناسىنان جاسىرىن تۇردە نەكە قيعان.

ومىرىندە 11 مەملەكەتتە بولعان. شىعارماشىلىعىن تەك ءوز وتانى عانا ەمەس، الەم ەلدەرى مويىنداعان.

سۇلتان حودجيكوۆتىڭ «قىز جىبەك» فيلمىنىڭ قويۋشى-سۋرەتشىسى بولعان، ال «بوتاگوز» فيلمىندە باستى ءرولدى سومداعان.

«قىز جىبەك» فيلمىندە گۇلفايرۋز ىسمايلوۆا باستاعان كوستيۋمەرلەر توبى كامزولدار مەن قىزداردىڭ كويلەكتەرىنە جۇزدەگەن مونشاقتى قولمەن تىگىپ بەردى. سونداي-اق ىسمايلوۆا جىبەكتىڭ بارلىق كيىمدەرىن ءوزى جاساعان.

گۇلفايرۋز اسىل تاستاردى جاقسى كورگەن. كۇيەۋى ەۆگەني سيدوركين ونىڭ، اسىرەسە، كوگىلدىر، قىزىل مارجان، مالاحيتتى ۇناتاتىنىن ءبىلىپ، ۇنەمى اشەكەي بۇيىمدار سىيلاعان. «الپامىس» سپەكتاكلىندەگى كوستيۋمدەرگە دە اسىل تاستاردى ۇيلەستىرىپ قوسقان.

ۇلتارالىق نەكەگە، ءتىپتى، بەيتانىس قازاق جىگىتتەرى دە قارسى بولىپ، جۇپتى ۇنەمى سوققىعا جىققان. مۇنداي ساتتەردە سۋرەتشى بيىك وكشەلى اياق كيىمىمەن بۇزاقىلاردى ۇرىپ، توبەلەسكەنىن، جارالانعان كەزدەرى بولعانىن دا سۇحباتتارىندا بايانداعان.

قازاقتىڭ تانىمال سۋرەتشىسى 2013 -جىلى 12-مامىردا دۇنيەدەن ءوتتى.

ماتەريال اۆتورى: بانۋ ابدىعاليەۆا