قازاق جاۋىنگەرلەرىنىڭ سۇيەگى ەلگە جەتكىزىلدى

  ۇلى وتان سوعىسىندا قازا تاپقان قازاقستاندىق ءۇش جاۋىنگەردىڭ سۇيەگى ارنايى بورتپەن استاناعا جەتكىزىلدى.

سيلان مامەتوۆ، قادىربەك داۋلەتقۇلوۆ جانە كيسىم اديەۆتىڭ سۇيەگى رەسەيدەن تابىلعان بولاتىن. ارنايى اۋە بورتىن قارسى الۋ ءراسىمى قارۋلى كۇشتەردىڭ ۇلتتىق اسكەري-پاتريوتتىق ورتالىعىندا ءوتتى. شاراعا اسكەري قىزمەتشىلەر مەن ارداگەرلەر، «اتامنىڭ اماناتى» قوعامدىق بىرلەستىگىنىڭ جانە «جاس سارباز» اسكەري- پاتريوتتىق قوزعالىسىنىڭ تاربيەلەنۋشىلەرى مەن قازا تاپقانداردىڭ تۋىستارى قاتىستى.

ەرنۇر نامەتقۇل، جاۋىنگەر ق. داۋلەتقۇلوۆتىڭ تۋىسى:

- داۋلەتقۇلوۆ قادىربەك اتامىزدىڭ تۋعان اعاسىنىڭ شوبەرەسى بوپ كەلەمىن. ول كىسى 1941 -جىلى سوعىسقا اتتانعان، وكىنىشكە وراي بالالارى بولماعان. ول ۇيلەنىپ تە ۇلگەرمەدى. «اتامنىڭ اماناتى» قوعامدىق قورىن ەستىپ، ولار حابارلادى، تابىلدى اتالارىڭىزدىڭ دەنەسى دەپ. ونى ءبىزدىڭ تۋعان تۋىستارىمىز بۇرىن دا ىزدەستىرگەن. وسى جاڭالىقتى ەستىپ ءبىز وتباسىمىزبەن بىرگە قۋانىپ، ءبىلىپ جاتىرمىز. سول كىسىنىڭ سۇيەگىن الىپ كەتۋگە ءوزىم كەلىپ وتىرمىن.

www.24.kz