قازاق دەپۋتات 14-بۇكىل قىتايلىق حالىق وكىلدەرى جينالىسى پرەزيديۋمىنىڭ مۇشەسى بولىپ سايلاندى

استانا. KAZINFORM - قىتايداعى ۇلتى قازاق دەپۋتاتتار ەلدىڭ ماڭىزدى ساياسي وقيعاسى 14-بۇكىل قىتايلىق حالىق وكىلدەرى جينالىسىنىڭ ەكىنشى سەسسياسى جانە قىتاي حالىقتىق ساياسي كونسۋلتاتيۆتىك كەڭەسى 14-ۇلتتىق كوميتەتى جينالىسىنا قاتىستى.

بۇكىل قىتايلىق حالىق وكىلدەرى جينالىسى سايتىنداعى اقپاراتقا سايكەس، 60 ادامنان تۇراتىن شىڭجاڭ-ۇيعىر اۆتونوميالىق (ش ۇ ا ا) ولكەسى دەلەگاتسياسى 11 ۇلتتىڭ وكىلىنەن قۇرالعان. تىزىمىندە ۇلتى قازاق 5 وكىلدىڭ ەسىمى كىرگەن. ولار: گۇلميرا داۋلەت، ەرشات تۇرسىنباي، سارقىت اقان، ايدىن تولقىن جانە زويا باحىت.

ايتا كەتەرلىگى، قانداسىمىز سارقىت اقان 14-بۇكىل قىتايلىق حالىق وكىلدەرى جينالىسىنىڭ ەكىنشى سەسسياسى پرەزيديۋمىنىڭ مۇشەسى بولىپ سايلاندى.

سونداي-اق، قىتاي حالىقتىق ساياسي كونسۋلتاتيۆتىك كەڭەسى 14-ۇلتتىق كوميتەتى جينالىسىنا قىتايلىق قانداسىمىز نۇرلان ابدۋلماجين جانە قادىربەك قامزا قاتىسىپ جاتقانى بەلگىلى بولدى.

اۆتور

مۇحتار قاليموللا ۇلى