«قازاق ءتىلىنىڭ ۇلتتىق سوزدىك قورى» اقپاراتتىق جۇيەسىن قالىپتاستىرۋ قاعدياسى ازىرلەندى
استانا. KAZINFORM - «قازاق ءتىلىنىڭ ۇلتتىق سوزدىك قورى» مەملەكەتتىك اقپاراتتىق جۇيەسىن قالىپتاستىرۋ جانە جۇرگىزۋ قاعيدالارىن بەكىتۋ تۋرالى» عىلىم جانە جوعارى ءبىلىم ءمينيسترى بۇيرىعىنىڭ جوباسى ازىرلەندى. جوبا اشىق ن ق ا پورتالىندا جاريالاندى.
قازاق ءتىلىنىڭ ۇلتتىق سوزدىك قورىن قۇرۋ ماقساتى - قازاق ءتىلىن مادەني قۇندىلىق رەتىندە ساقتاۋ، قورعاۋ جانە دامىتۋ، سونداي-اق مەملەكەتتىك ءتىل مارتەبەسىن نىعايتۋ، قازاق ءتىلىنىڭ بارلىق قولدانىس اياسىن قامتيتىن رەسۋرستاردى جيناقتاۋ، ءتىلدىڭ قولدانىستاعى لەكسيكالىق قۇرامىن رەتكە كەلتىرۋ، تسيفرلاندىرۋ، گەنەراتسيالاۋ، ونى جاساندى ينتەللەكت پەن زاماناۋي تەحنولوگيالارعا بەيىمدەۋ، وڭدەۋ پروتسەستەرىن اۆتوماتتاندىرۋ.
قازاق ءتىلىنىڭ ۇلتتىق سوزدىك قورى اكادەميالىق جانە اۋدارما سوزدىكتەر، قازاق ءتىلىنىڭ ۇلتتىق كورپۋسى، تەرمينولوگيالىق بازا جانە ءتۇرلى فورماتتاعى مالىمەتتەر جيىنتىعى سانالادى داتاسەت نەگىزىندە قالىپتاستىرىلادى.
جالپىعا قولجەتىمدى مەملەكەتتىك اقپاراتتىق جۇيە سانالاتىن قازاق ءتىلىنىڭ ۇلتتىق سوزدىك قورىن قالىپتاستىرۋ مىنالاردى قامتيدى:
- ۇلتتىق سوزدىك قوردى قۇرۋ جانە دامىتۋ ماسەلەلەرى جونىندە كەزەڭدىك ءىس-شارالار جوسپارىن ازىرلەۋ؛
- ۇلتتىق سوزدىك قورعا قويىلاتىن فۋنكسيونالدىق جانە تەحنيكالىق تالاپتاردى، تەحنيكالىق قىزمەت كورسەتۋ كەستەسىن جانە دەرەكتەردى جيناقتاۋعا، وڭدەۋگە، جۇيەلەۋگە ارنالعان اقپاراتتىق سيپاتتامالاردى بەكىتۋ؛
- ينتەراكتيۆتى پايدالانۋشىنىڭ ينتەرفەيسىن، ىزدەۋ جۇيەسىن جانە دەرەكتەردى ەكسپورتتاۋ مۇمكىندىگىن قامتاماسىز ەتۋ؛
- ۇلتتىق سوزدىك قوردى قۇرۋ جانە جەتىلدىرۋ سالاسىنداعى سۋبەكتىلەردىڭ ارەكەتىن ۇيلەستىرۋ؛
- ۇلتتىق سوزدىك قورمەن ينتەگراتسيالانۋعا قابىلەتتى اقپاراتتىق رەسۋرستاردىڭ تىزبەسىن قالىپتاستىرۋ؛
- اشىق دەرەكتەر پلاتفورمالارىن پايدالانۋ جانە حالىقارالىق ستاندارتتارعا سايكەس كەلۋىن قامتاماسىز ەتۋ.
بۇيرىق جوباسى 19-ناۋرىزعا دەيىن قوعامدىق تالقىلاۋعا شىعارىلدى.
ايتا كەتەلىك قازاق ءتىلى ءۇشىن جاڭا سيفرلىق پلاتفورما جاسالاتىنى تۋرالى جازعان ەدىك. سونداي-اق جاساندى ينتەللەكتىنىڭ دامۋى اياسىندا سيفرلىق سوزدىك قورىنا ەرەكشە ءمان بەرىلمەكتىگى تۋرالى دا حابارلاعان ەدىك.
