قازاق بوكسىنداعى ەگىزدەر مەن اعايىندىلار
استانا. KAZINFORM - وتكەنگە كوز سالساق، قازاق بوكسىنىڭ تاريحىنا ەنگەن ەگىز جانە اعايىندى بوكسشىلار جەتەرلىك. ولاردىڭ كوبى ءىرى جەتىستىككە قول جەتكىزە ءبىلدى. دەمەۋ بولدى، قاجەت بولسا ءبىر-بىرىنە جولىن دا بەردى. ولاردىڭ قاتارىندا قانات جانە مۇرات سيحىمبايەۆ، جانات جانە ازامات جاقيانوۆ، گەننادي جانە ماكسيم گولوۆكين، سەرىك جانە بەرىك ەلەۋوۆ، دانيار جانە داۋرەن ەلەۋسىنوۆ جانە ت. ب. بار.
بۇگىندە قازاقستان قۇراماسىندا ەگىز جانە اعايىندىلار بار. بۇگىن massaget.kz سايتى وسى بوكسشىلار جايلى جازادى.
اعايىندى سابىرحاندار
اعايىندىلار كوپكە تانىلىپ ۇلگەردى. ماحمۇد الەم (2023) جانە ازيا چەمپيونى (2024) اتاعىنا يە. ەكەۋىنىڭ دە جۇدىرىقتاسۋ ءستيلى ەرەكشە.
تورەحان جاستار اراسىندا 4 دۇركىن ازيا چەمپيونى جانە الەم چەمپيونى. جۋىردا عانا ق ر چەمپيونى اتانىپ، ەرەسەكتەر اراسىنا قوسىلدى.
ەگىز ورالبايلار
نۇربەك ورالباي پاريج وليمپياداسىنىڭ كۇمىس جۇلدەگەرى. ودان كەيىن مۇرنىنا وتا جاساتىپ، بىرنەشە تۋرنيرگە قاتىسپادى. جاقىندا عانا قۇراماعا ورالدى.
ايبەك بولسا ەكى دۇركىن ازيا چەمپيونى جانە جاس وسپىرىمدەر وليمپياداسىنىڭ جەڭىمپازى. سونداي-اق سۋپەر اۋىر سالماققا اۋىستى. ۇلتتىق قۇراما كاپيتانى بولدى.
اعايىندى تولتايەۆتار
ءساماتالى مەن ءساناتالى تولتايەۆتار ۇلتتىق قۇراماعا 2021-جىلى قوسىلدى. ودان بەرگى ارالىقتا ءىرى جارىستاردا ەل نامىسىن قورعادى. ەكەۋى دە ازيا چەمپيوناتىنىڭ جۇلدەگەرى.
كەيىننەن ەكەۋى دە كاسىپقوي بوكسقا اۋىستى. جۋىردا ءساناتالى اۋەسقويعا ورالىپ، قازاقستان چەمپيوناتىندا كۇمىس الدى.
اعايىندى ساپاربايلار
2024-جىلعى قازاقستان چەمپيوناتىندا اعايىندىلار اسا اۋىر سالماقتا جۇدىرىقتاستى. ەكەۋى دە فينالعا شىقتى. شەشۋشى ساتتە دانيار ساپارباي اعاسى نۇرلان ساپاربايعا جولىن بەردى.
