قازاق بوكس تاريحىندا ءبىرىنشى رەت ەگىز بوكسشىلار وليمپيادا مەدالىنە تالاسادى

бокс
Коллаж: Kazinform/olympic.kz

استانا. KAZINFORM - قازاق بوكس تاريحىندا العاش رەت ەگىز بوكسشىلار ءبىر وليمپيادادا ەكى سالماقتا ەل نامىسىن قورعايدى.

بۇل تۋرالى KAZINFORM تىلشىسىنە بوكستان ۇلتتىق قۇرامانىڭ باس باپكەرى مىرزاعالي ايتجانوۆ ايتىپ بەردى.

«بوكستان بۋستو-ارسيتسيو قالاسىندا وتكەن الەمدىك ىرىكتەۋ كەزەڭىندە 80 كەلىدە ەل نامىسىن قورعاعان نۇربەك ورالباي مەن 92 كەلى سالماقتاعى ايبەك ورالباي ەكەۋى ءبىر ءۇيدىڭ بالاسى. ناقتىراق ايتسام، ەكەۋى ءبىر قۇرساقتى تەپكىلەپ بىرگە تۋعان ەگىز بوكسشىلار. مىنە، ەكەۋى دە ۇلتتىق قۇراما ساپىندا جاتتىعىپ، ليتسەنزيالىق تۋرنيرگە بىرگە باردى. ەكەۋى دە جولداماعا قول جەتكىزدى. وسىلايشا قازاق بوكس تاريحىندا تۇڭعىش رەت ەگىز بوكسشىلار وليمپيادادا ەل نامىسىن قورعاماق»، - دەدى باس باپكەر.

ەستەرىڭىزگە سالا كەتەيىك، ايبەك ورالباي شيرەك فينالدا اقش بوكسشىسى دجامار تەلليدى ۇتىپ، پاريج وليمپياداسىنا جولداما جەڭىپ السا، نۇربەك ورالباي 80 كەلى سالماقتا ەل نامىسىن قورعاپ، شيرەك فينالدا يرلانديا بوكسشىسى كەلين كاسسيديدى 3:2 ەسەبىمەن تىزە بۇكتىردى.

اتالعان تۋرنيرگە قازاقستان قۇراماسىنان التى بوكسشى اتتانىپ، ونىڭ بەسەۋى وليمپيادا جولداماسىنا يە بولدى.

اۆتور كۇنسۇلتان وتارباي

سوڭعى جاڭالىقتار