قازاق- امەريكان ساۋدا- ساتتىعىنا كەرى اسەر ەتەتىن قۇجات كۇشىن جويۋى مۇمكىن

 قازاق- امەريكان ساۋدا- ساتتىعىنا كەرى اسەر ەتىپ وتىرعان دجەكسون- ۆەنيك تۇزەتۋى كوپ ۇزاماي كۇشىن جويۋى مۇمكىن. ارنايى زاڭ قازىر ا ق ش كونگرەسىندە قارالىپ جاتىر.

امەريكا ازاماتتىعىن العان وتانداستارىمىز قۇجاتتىڭ 1974 -جىلدارى ەنگىزىلگەن تارماعىن جويۋدى سۇراپ سەناتورلارعا حات جولداپتى. بۇل تۋرالى قازاق- امەريكان قاۋىمداستىعىنىڭ پرەزيدەنتى دارحان نۇرماعانبەتوۆ ۆاشينگتون ايماعى قازاقتارىنىڭ ءداستۇرلى باسقوسۋىندا ايتتى. جالپى مىڭعا جۋىق ادام زاڭ شىعارۋشى ورگانعا ءوتىنىش جىبەرگەن. ونىڭ ۇشتەن ءبىرى قازاقستاندا جۇمىس ىستەگەن، بيزنەس نەمەسە باسقا سالالاردا ءبىزدىڭ ەلمەن تىعىز بايلانىسى بار امەريكالىقتار ەكەن. قاۋىمداستىق جەتەكشىسىنىڭ ايتۋىنشا، سەناتورلار ماسەلەنىڭ وڭ شەشىلۋىنە ىقپال ەتۋگە ۋادە بەرگەن. ال قانداستارىمىز جىل سايىن وتەتىن باسقوسۋعا قاتىسىپ ارقا- جارقا بولدى. ۇلتتىق مول داستارحان جايىلدى. ال بالالار جاعى اسىق ويناپ، اسىر سالدى. ءداستۇرلى ءىس- شاراعا ءتىپتى، ەۋروپادان دا قازاقتار ارنايى كەلگەن.

شوقان بەكتۇرعانوۆ، ءىس- شاراعا قاتىسۋشى:

"بەرنەر شۆەيتساريادان ارنايى قازاقتاردىڭ باس قوسۋ مەرەكەسىنە كەلدىم. بۇل شارانىڭ ماڭىزى وتە زور ەكەن. كورىپ جاتىرمىز قانشا حالىق جينالىپ، بۇل ۇلتتىق سانا سەزىمدى دامىتۋعا ىقپالى وتە ۇلكەن دەپ ايتقىم كەلەدى".

www.24.kz