ەلورداعا كەلىپ قونعان QAZAQ AIR ۇشاعىنىڭ كورپۋسىنا زاقىم كەلگەن
ۇشاق وسكەمەننەن ۇشىپ كەلگەن.
«نۇر-سۇلتان قالاسىنىڭ حالىقارالىق اۋەجايىندا اۋە كەمەسىن ۇشار الدىنداعى قالىپتى قاراۋ بارىسىندا اۋەكومپانيانىڭ ءبىر ۇشاعىنىڭ كورپۋسىنان ىزدەر تابىلدى. ءتيىستى قىزمەتتەرگە شۇعىل حابار بەرىلدى»، - دەپ حابارلادى اۋە كومپانياسىنان.
«QAZAQ AIR اۆياكومپانياسى جولاۋشىلارىنىڭ قاۋىپسىزدىگىن قامتاماسىز ەتۋدى ماقسات تۇتادى، سوندىقتان كومپانيانىڭ اۆياتسيا-تەحنيكالىق قىزمەتى تاراپىنان تەكسەرۋ جانە تولىق تالداۋ جۇرگىزىلگەنشە اتالمىش بورتتىڭ جۇمىسىن توقتاتۋ جونىندەگى شەشىم قابىلداندى. وڭىرلىك QAZAQ AIR اۆياكومپانياسى ءۇشىن اۆياتسيالىق قاۋىپسىزدىك - نەگىزگى باسىم باعىت، وسىعان بايلانىستى اتالمىش وقيعا بويىنشا تەكسەرۋ تولىق اياقتالعانشا تۇسىنىكتەمە بەرۋدەن قالىس قالامىز»، دەلىنگەن اۋەكومپانياسىنىڭ حابارلاماسىندا.
اۋەكومپانياسىنىڭ مالىمەتىنشە، ۇشۋ باعدارلاماسى كەستەگە سايكەس جۇرگىزىلىپ جاتىر.
