Qazaq Air- ءدى ساتۋ: ينۆەستور ءبىرقاتار مىندەتتى ورىندايدى
استانا. KAZINFORM — جاقىندا «سامۇرىق-قازىنا» Qazaq Air اكسيالارىن ساتىپ الۋ-ساتۋ شارتىنا قول قويىلعانىن جاريالادى. وسى ورايدا Qazaq Air كومپانياسى ەلدىڭ اۋە كولىگى نارىعىندا قىزمەتىن جالعاستىرۋىنا قاتىستى دەرەكتەر ناقتىلاندى.

- 2024-جىلعى 24-جەلتوقساندا قور جانە «Central Asia Aviation Holdings Limited» ج ك مەن «Kazasia Holdings Limited» ج ك اراسىندا «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» ق ر زاڭىنىڭ تالاپتارىن ۇستانا وتىرىپ، مىندەتتى ترانزاكسيالىق قۇجاتتار پاكەتىنە، ونىڭ ىشىندە «Qazaq Air» ا ق اكسيالارىنا قاتىستى ساتىپ الۋ-ساتۋ شارتىنا قول قويىلدى. بۇل رەتتە، ساتىپ الۋ-ساتۋ شارتىنىڭ تالاپتارىنا سايكەس، QAZAQ AIR اكسيالارىن ساتىپ الۋشىلاردىڭ پايداسىنا بەرۋ الدىن الا تالاپتار ورىندالعاننان كەيىن جۇزەگە اسىرىلادى. ساتىپ الۋ-ساتۋ شارتىنىڭ تالاپتارىندا ينۆەستوردىڭ Boeing جانە Airbus (تار فيۋزەلياجدى نەمەسە كەڭ فيۋزەلياجدى) توبىنىڭ 20 بورتىن 5 جىل ىشىندە (قوسىمشا 2 جىلعا ۇزارتۋ مۇمكىندىگىمەن) جەتكىزۋ جونىندەگى مىندەتتەمەلەرى كوزدەلگەن، - دەلىنگەن سامۇرىق-قازىنا» ا ق- نىڭ Kazinform اگەنتتىگىنە بەرگەن جاۋابىندا.
قول قويىلعان ترانزاكتسيالىق قۇجاتتاردىڭ شارتتارىنا سايكەس، تاراپتارعا قۇپيالىلىق تالاپتارىن ساقتاۋ بويىنشا مىندەتتەمەلەر قويىلاتىنىن ەسكەرە وتىرىپ، قوسىمشا اقپاراتتى اشۋ مۇمكىن ەمەس.
- مامىلەنىڭ ماقساتى - ازاماتتىق اۆياتسيانىڭ وتاندىق نارىعىن ودان ءارى دامىتۋ، ونىڭ ىشىندە باسەكەلەستىكتى ارتتىرۋ، قازاقستان رەسپۋبليكاسىنان/ رەسپۋبليكاسىنا حالىقارالىق تۇراقتى رەيستەردى كوبەيتۋ، جۇمىس ورىندارىن قۇرۋ جانە باسقا دا ءىس-شارالار ەسكەرىلگەن. بۇل ءوز كەزەگىندە ەل ەكونوميكاسىنىڭ ارالاس سەكتورلارىنا - لوگيستيكالىق سالاعا، ساۋداعا، تۋريزمگە جانە باسقالارعا دا وڭ اسەر ەتەدى دەپ قاراستىرىلعان، - دەپ اتالىپ وتكەن قور اقپاراتىندا.
ەسكە سالساق، بىلتىر جەلتوقساننىڭ اياعىندا «سامۇرىق-قازىنا» Qazaq Air اكسيالارىن ساتىپ الۋ-ساتۋ شارتىنا قول قويىلعانىن حابارلادى.
2023-جىلى قازاقستان ۆەتنامنىڭ VietJet Air اۋە كومپانياسىمەن مەموراندۋم جاساعان ەدى.