قازالىعا جانقوجا باتىردىڭ كەنەسارى حان سىيلاعان قىلىشى اكەلىندى
قىزىلوردا. KAZINFORM - قىزىلوردا وبلىسىنىڭ قازالى اۋدانىنا ⅩⅩ عاسىرداعى ۇلت-ازاتتىق قوزعالىسى جەتەكشىلەرىنىڭ ءبىرى، داڭقتى باتىر جانقوجا نۇرمۇحامەد ۇلىنىڭ قىلىشى اكەلىندى.
اۋداندىق تاريحي-ولكەتانۋ مۋزەيىنىڭ مالىمەتىنشە، قۇندى جادىگەر ۇلتتىق مۋزەي قورىندا ساقتاۋلى. قىلىش الدىمەن ۋكراينالىق ىزدەۋشى مامانداردىڭ قولىنا تۇسكەن. كەيىن رەسەيدە ارنايى ساراپتامادان وتكىزىلىپ، ونى قازاقستان ازاماتتارى ساتىپ الىپ، ۇلتتىق مۋزەيگە تاپسىرعان.
- قىلىشتى جانقوجا نۇرمۇحامەد ۇلىنا كەنەسارى حان سىيعا تارتقان دەلىنەدى. باتىر ونى جاۋعا قارسى شايقاستا ءوزى قولدانعان. جادىگەردىڭ ەكى جاعىندا ارابشا جازۋ بار. بىرىندە «جانقوجا نۇرمۇحامەد ۇلى باھادۇرگە ساۋرات (سىيلىق)»، ەكىنشىسىندە «سوزاق، 1845 -جىل» دەپ جازىلعان، - دەدى مۋزەيدىڭ عىلىمي قىزمەتكەرى جانات تىلەۋقابىل.
باتىر مۇراسى اۋدانداعى جاڭادان اشىلعان رۋحانيات ورتالىعىندا 20-مامىرعا دەيىن كەلۋشىلەر نازارىنا ۇسىنىلادى.
جاقىندا ءبىز قىزىلوردا قالاسىنداعى قۇتقارۋشى حريستوس شىركەۋى تۋرالى جازعانبىز. شىركەۋ مەملەكەت قورعاۋىنا الىنعان، رەسپۋبليكالىق ماڭىزى بار تاريحي- مادەني ەسكەرتكىشتەر قاتارىندا.
