قايرات تۇنتەكوۆ ونەردە بىرەۋلەر جولىن كەسكەنىن ايتتى

Фото: instagram.com/tuntekov_k
Фото: instagram.com/tuntekov_k

استانا. قازاقپارات - تانىمال ءانشى قايرات تۇنتەكوۆ Qazaq Airan Youtube-جوباسىنا بەرگەن سۇحباتىندا بيلىك تۇتقاسىن ۇستاعان ادامدار ونەردە جولىن بوگەگەنىن ايتتى، - دەپ حابارلايدى Massaget.kz ءتىلشىسى.

الايدا ءانشى جولىن جاپقان ادامداردىڭ كىم ەكەنىن بىلمەيتىنىن مويىندادى.

«ونەردە جولىمدى بوگەگەن، ەفيرگە شىعۋىما كەدەرگى بولعان بيلىك تۇتقاسىن ۇستاعان ادامدار بولدى، ءبىراق اتى-جوندەرىن ءوزىم دە بىلمەيمىن. اشىق قىسىم بولمادى، قىسىم تەلەديدار ارقىلى ءجۇردى. بۇل اقپاراتتىق قىسىم عوي، ماعان سول وتە اۋىر ءتيدى، بىلاي ارتىمنان ەشكىم قۋىپ، ايتقانىمەن جۇرگىزبەدى. «سەن ۇيتپە، بۇيتپە» دەپ ەشكىم ايتقان ەمەس. مۇمكىن اراعا بىرەۋدى قوسقان دا بولار، ءبىراق مەن ول تۋرالى بىلمەيمىن.

مىسالى، جول اپاتىنا تۇسكەن كەزىمدە بۇكىل تەلەارنادان سۇمدىق ءبىر وقيعا بولعان سياقتى كورسەتتى عوي. ونداي سۇمدىق جايت بولدى دەپ ايتا المايمىن، اللاعا شۇكىر، ەشكىم زاقىم العان جوق، باقيلىق بولعان جوق. ءبىراق سونىڭ ءوزىن ۇلكەن ماسەلە ەتىپ كورسەتتى. اراسىندا قانشاما دەپۋتات اعامىز سويلەدى، مۇمكىن بىرەۋلەرگە وسى كەرەك بولعان شىعار»، - دەدى قايرات تۇنتەكوۆ.

سوڭعى جاڭالىقتار