قايرات نۇرتاس 15 كۇن قاماۋدا جاتىر: ءانشى توي مەن كونسەرتكە شىقپاي قانشا قارجىسىنان قاعىلدى؟
استانا. KAZINFORM - جۋىردا تانىمال ونەر يەلەرى ءارتۇرلى بۇزاقىلىق جاساعانى ءۇشىن جازالاندى. ولاردىڭ قاتارىندا تۇرسىنبەك قاباتوۆ، قايرات نۇرتاس، ءابدىجاپپار ءالقوجا بار. تانىمال پروديۋسەر التىنبەك راحمەتوۆ جۇلدىزدارعا بۇل جازا قانداي شىعىن اكەلگەنىن ايتتى.
قايرات نۇرتاس 19-شىلدەدە اقسۋ قالاسى مەن مەتاللۋرگتەر كۇنىنە ارنالعان كونسەرتتە ونەر كورسەتۋگە ءتيىس ەدى.
«كونسەرتتى ۇيىمداستىرۋشى رەتىندە قايرات نۇرتاس بۇل ءىس-شارادان 5 ميلليون تەڭگەگە جۋىق اقشا تاپپاعانىن ايتا الامىن. ونىڭ باسقا كونسەرتتەرىن بىلمەيمىن. كەيبىر انشىلەر مەرەكەلىك شاراعا اپتاسىنا ءبىر رەت شىعادى، ال كەيبىرەۋلەرى ءار قالاعا بارادى»، - دەدى التىنبەك راحمەتوۆ.
سونىمەن قاتار، ونەر يەسىنىڭ گونورارى ارقىلى ءبىر اپتالىق كىرىسىن ەسەپتەۋگە بولادى.
توي ۇيىمداستىرۋشىلاردىڭ ايتۋىنشا، قايرات نۇرتاستىڭ گونورارى - كەم دەگەندە 2,5 ميلليون تەڭگە. تۇرسىنبەك قاباتوۆتىڭ تويدا تامادا رەتىندەگى گونورارى - 10-15 مىڭ دوللار.
ايتا كەتەيىك، قايرات نۇرتاس ۇشاقتا تانىسىمەن سوزگە كەلىپ، ارتىنشا توبەلەسىپ، 15 كۇنگە قاماۋعا الىنعان بولاتىن.
