قاي وڭىردە قىز- كەلىنشەكتەر كوپ تۇرادى

استانا. KAZINFORM - قازاقستانداعى ايەلدەر سانى 10381377، بۇل ەلىمىزدەگى جالپى حالىق سانىنىڭ %51,1. سوڭعى ون جىلدا ايەلدەر سانى %15,2 ءوستى. ايەلدەردىڭ %64,4 قالالاردا، %35,6 - اۋىلدىق جەرلەردە تۇرادى.

- ايەلدەر سانى بويىنشا وڭىرلەر اراسىندا الماتى الدا كەلەدى - 1,2 ميلليون ايەل. ەكىنشى ورىندا تۇركىستان وبلىسى - 1 ميلليون ايەل، ءال ۇشىنشى ورىندا 803 مىڭ ارۋى بار استانا، - دەلىنگەن ۇلتتىق ستاتيستيكا بيۋروسىنىڭ مالىمەتىنشە.

سوڭعى ون جىلدا ايەلدەر سانىنىڭ ەڭ جوعارى ءوسىمى ەلوردادا بايقالعان - %82,1. الماتىدا قىز-كەلىنشەكتەر سانى %37,5، ماڭعىستاۋ وبلىسىندا %32,5 وسكەن.

جاس قۇرامى بويىنشا ايەلدەردىڭ 3,3 ميلليون 18 جاسقا دەيىنگى جاستا، 18-60 جاس ارالىعىنداعىلاردىڭ سانى 5,3 ميلليون جانە 60 جاستان اسقان اپالار سانى 1,7 ميلليون قازاقستانداعى ايەلدەردىڭ ورتاشا جاسى 34,1 جاس.

بۇگىنگى تاڭدا 4,4 ميلليون ايەل ءارتۇرلى سالالاردا جۇمىس ىستەيدى، ولاردىڭ باسىم بولىگى ءبىلىم بەرۋ، ساۋدا جانە دەنساۋلىق ساقتاۋ سالالارىندا ەڭبەكتەنەدى.

ايتا كەتەلىك قىزدار «سۇلۋلىققا» قانشا اقشا جۇمسايتىنى تۋرالى جازعان ەدىك.

اۆتور

نازىم بولەسوۆا