قاڭتاردان باستاپ بۋراباي ۇلتتىق پاركىنە كىرۋ تاريفى وزگەرەدى
بۇعان دەيىن حابارلانعانداي، قازاقستان رەسپۋبليكاسىنىڭ 2022 -جىلعى 21-جەلتوقسانداعى (№165-VII) زاڭى اياسىندا سالىق كودەكسىنىڭ 591-بابىنا مەملەكەتتىك ۇلتتىق پارك اۋماعى كولىك قۇرالدارىن كىرگىزگەنى ءۇشىن الىم الۋ ماسەلەسى بويىنشا تولىقتىرۋ ەنگىزىلگەن بولاتىن.
وسىعان وراي، 2024 -جىلدىڭ 1-قاڭتارىنان باستاپ ەلىمىزدەگى ەرەكشە قورعالاتىن تابيعي اۋماقتارعا كىرۋگە جاڭا تولەم ستاۆكالارى بەكىتىلدى، دەپ حابارلايدى Kazinform.
2024 -جىلعا ارنالعان الىم مولشەرى:
- جاياۋ جۇرگىنشى - 0,1 ا ە ك (369 تەڭگە)؛
- موتوتسيكل، موپەد، كۆادروتسيكل ءۇشىن - 0,2 ا ە ك (738 تەڭگە)؛
- جەڭىل اۆتوكولىك - 0,3 ا ە ك (1108 تەڭگە)؛
- سىيىمدىلىعى 16-ورىنعا دەيىنگى شاعىن اۆتوبۋس پەن جۇك كولىگى - 1 ا ە ك (3692 تەڭگە)؛
- 32 ورىنعا دەيىنگى اۆتوبۋستار - 2 ا ە ك (7384 تەڭگە) ؛
- 32 دەن استام ورىندىق اۆتوبۋس - 3 ا ە ك (11076 تەڭگە) .
ەرەكشە قورعالاتىن تابيعي اۋماقتاردا ورنالاسقان ەلدى مەكەندەردە تۇراتىن جانە/نەمەسە سول جەردە ورنالاسقان ساياجايلارى بار جەكە تۇلعالار تولەمنەن بوساتىلادى.
بۋراباي، بۇلاندى جانە ەڭبەكشىلدەر اۋداندارىنىڭ ۇلتتىق پارك اۋماعىنان تىس ورنالاسقان ەلدى مەكەندەرىنىڭ حالقى جالپى نەگىزدە اقى تولەۋگە مىندەتتى. بۇل ۇلتتىق پاركپەن ىرگەلەس جەرلەردە تۇراتىندارعا دا قاتىستى.
2024 -جىلدىڭ 1-قاڭتارىنان باستاپ جەكە/زاڭدى تۇلعالاردىڭ اۆتوكولىك قۇرالدارىنان ۇلتتىق پارك اۋماعىندا بولعان ءاربىر كۇن ءۇشىن تولەم الىنادى.
ەرەكشە قورعالاتىن تابيعي اۋماقتاردى پايدالانعانى الىمنىڭ اشىقتىعىن قامتاماسىز ەتىپ، سىبايلاس جەمقورلىق قاۋپىن ازايتۋ ءۇشىن «بۋراباي» مەملەكەتتىك ۇلتتىق پاركىندە 5 باقىلاۋ- وتكىزۋ بەكەتى اۆتوماتتاندىرىلدى.
وتكىزۋ بەكەتتەرىنىڭ ءبارى ەكىنشى دەڭگەيلى بانكتەردىڭ تولەم قىزمەتىنە قوسىلعان (kaspi.kz, homebank, Jusan) ، ياعني تولەمدى تەرمينال ارقىلى دا، بانكتىك اۋدارىممەن دە جاساۋعا بولادى.
ونلاين تولەۋ ءۇشىن بانكتەردىڭ QR- كودتارى قويىلعان. بانك قوسىمشاسىمەن تولەۋ ءۇشىن شوتىڭىزدى الدىن الا تولتىرۋعا بولادى (اقىلى جولدارداعى سياقتى). ونداي كەزدە ۇلتتىق پاركتەن شىققاندا تولەم اۆتوماتتى تۇردە ەسەپشوتىڭىزدان الىنادى. تولەم بانكتىك اۋدارىممەن دە، قولما- قول دا جاسالادى.
باقىلاۋ- وتكىزۋ بەكەتىندە كەپتەلىس بولماۋى ءۇشىن مارشرۋتتى الدىن الا جوسپارلاپ، بۋراباي اۋىلىنداعى عانا ەمەس، باسقا دا وتكىزۋ بەكەتتەرىنەن دە شىعۋعا بولاتىنىن ەسكەرۋلەرىڭىزدى سۇرايمىز.
انىقتاما اقپارات:
№1 وتكىزۋ بەكەتى - استانا- پەتروپاۆل تاس جولى جاعىنان كىرۋ.
№2 وتكىزۋ بەكەتى - بۋراباي اۋىلىندا.
№3 وتكىزۋ بەكەتى - شۋچينسك قالاسى ارقىلى شۋچينسك- بۋراباي كۋرورتتىق ايماعىنا كىرەر تۇستا.
№4 وتكىزۋ بەكەتى - مەملەكەتتىك ۇلتتىق پارك اۋماعىنا شۋچينسك قالاسىنان «بالداۋرەن» وقۋ- ساۋىقتىرۋ ورتالىعى باعىتىنداعى كىرە بەرىستە.
№5 وتكىزۋ بەكەتى - قاتاركول كولىنىڭ جانىنداعى پريوزەرنىي ورمان شارۋاشىلىعىنىڭ اۋماعىندا.
تاريف «ەرەكشە قورعالاتىن تابيعي اۋماقتار تۋرالى» ق ر زاڭىنىڭ 38-بابىنا وراي وزگەردى. كولىك قۇرالدارى ادامدارعا قاراعاندا قورشاعان ورتاعا كوبىرەك زيان كەلتىرەتىنى (اۋانى لاستايدى، زياندى حيميالىق زاتتار تارالادى، دىبىسى قاتتى) ەسكەرىلدى.
ەرەكشە قورعالاتىن تابيعي اۋماقتارداعى تولەم رەسپۋبليكالىق بيۋدجەتكە تۇسەدى، «بۋراباي» م ۇ ت پ- نىڭ مىندەتىنە ونى تەك جيناۋ كىرەدى.
بۇعان دەيىن قازاقستانداعى ۇلتتىق پاركتەر اۋماعىنا كىرۋدىڭ جاڭا ءتاريفى جاريالانعانىن جازعان بولاتىنبىز. مينيسترلىك ماماندارىنىڭ پايىمىنشا، بۇل نورمالار ادامداردىڭ جاياۋ تۋريزمگە نازار اۋدارۋىن ىنتالاندىرۋعا ىقپال ەتەدى.
