قاڭتاردان بالالارعا بەرىلەتىن مەملەكەتتىك جاردەماقىلاردىڭ كولەمى ارتتى

استانا. قازاقپارات - 2025 -جىلعا ارنالعان رەسپۋبليكالىق بيۋدجەتتە بالالارى بار وتباسىلارعا جاردەماقى تولەۋگە 875 ميلليارد تەڭگە قاراستىرىلعان.

بالالارى بار 2 ميلليونعا جۋىق قازاقستاندىق وتباسى رەسپۋبليكالىق بيۋدجەتتەن جاردەماقى جانە مەملەكەتتىك الەۋمەتتىك ساقتاندىرۋ قورىنان الەۋمەتتىك تولەمدەرمەن قامتىلادى. 2025 -جىلدان باستاپ بالالارى بار وتباسىلارعا بەرىلەتىن مەملەكەتتىك جاردەماقىلاردىڭ بارلىق مولشەرى 6,5 پايىزعا يندەكستەلەدى. جالپى، 2025 -جىلعا ارنالعان رەسپۋبليكالىق بيۋدجەتتە بالالارى بار وتباسىلارعا جاردەماقى تولەۋگە 875 ميلليارد تەڭگە قاراستىرىلعان.

از قامتىلعان ازاماتتاردى الەۋمەتتىك قولداۋ اتاۋلى الەۋمەتتىك قولداۋ ارقىلى جالعاسادى. وتكەن جىلدىڭ 1-قاراشاسىندا اتاۋلى الەۋمەتتىك كومەكتى 76 مىڭ وتباسى نەمەسە 403 مىڭ ادام الدى.

بۇعان دەيىن 2025 -جىلعى 1-قاڭتاردان باستاپ قازاقستاندا بىرنەشە ماڭىزدى وزگەرىس كۇشىنە ەنگەنىن جازعان ەدىك.

اۆتور

مارلان جيەمباي