قاڭتاردا وق ءتيىپ قازا تاپقان ايكوركەمنىڭ اكەسى جاۋاپقا تارتىلدى

قاڭتار وقيعاسى كەزىندە وق ءتيىپ، قازا تاپقان 4 جاسار ايكوركەمنىڭ اكەسى ايدوس مەلدەحان ۇلى كورىنەۋ جالعان اقپارات تاراتقانى ءۇشىن جاۋاپقا تارتىلدى.

بۇل تۋرالى الماتى قالالىق سوتىنىڭ باسپا ءسوز قىزمەتىنەن ءمالىم ەتتى، دەپ حابارلايدى kazinform.

م. -عا قاتىستى اكىمشىلىك ءىستى الماتى قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى قارادى.

«ءىس ماتەريالدارىنان وسى جىلدىڭ 8- قاراشاسىندا ايدوس مەدەلحان ۇلى Facebook-تەگى پاراقشاسىندا ۆيدەو ۇندەۋ جاريالاعانى بەلگىلى بولدى. 21- قازان كۇنى وعان كورشىسى شابۋىلداعان. ول بۇل جونىندە پوليتسياعا ارىز جازعانىن، ءبىراق پوليتسيا شاعىمىن قاراماي، ءىس قوزعاماعانىن ايتادى»، - دەپ حابارلادى سوتتان.

سوت ا. مەدەلحان ۇلى پوليتسياعا قانداي دا ءبىر ارىز جازباعانىن جانە جۇگىنبەگەنىن انىقتادى. وسىلايشا، ول الەۋمەتتىك جەلىدە جالعان اقپارات جاريالاعان.

ايدوس مەدەلحان ۇلى ءوز كىناسىن مويىندامادى.

«سوت قاۋلىسىمەن م. اكىمشىلىك قۇقىقبۇزۋشىلىق تۋرالى كودەكستىڭ 456-2 بابىنىڭ 3-بولىگى بويىنشا كىنالى دەپ تانىلدى جانە وعان 69000 تەڭگە مولشەرىندە بالاماسىز اكىمشىلىك ايىپپۇل سالىندى»، - دەپ اتاپ ءوتتى سوتتىڭ باسپا ءسوز قىزمەتىنەن.

سوت قاۋلىسى زاڭدى كۇشىنە ەنگەن جوق.