قاڭتار وقيعاسىندا جوعالعان قارۋ-جاراق استانا مەن شۋچەدەن تابىلدى
استانا. KAZINFORM - ۇلتتىق قاۋىپسىزدىك كوميتەتى قارۋ-جاراق پەن وق-ءدارىنىڭ زاڭسىز اينالىمىنا قارسى ءىس-قيمىل ناتيجەسىن ءبولىستى.
بيىلعى شىلدە- تامىزدا ۇلتتىق قاۋىپسىزدىك كوميتەتى باس پروكۋراتۋرانىڭ ۇيلەستىرۋىمەن استانا جانە شۋچە قالالارىندا اتىس قارۋى مەن وق- ءدارىنىڭ زاڭسىز اينالىمىنا قاتىسى بار ءبىر توپ ادامنىڭ زاڭعا قايشى ارەكەتىنىڭ جولىن كەستى.
استانادا جۇرگىزىلگەن ءتىنتۋ بارىسىندا قاڭتارداعى تارتىپسىزدىك كەزىندە ۇرلانعان 2 «كالاشنيكوۆ» اۆتوماتى مەن 43 وق-ءدارى، شۋچينسكىدە - 7 اتىس قارۋى، 4 تاپانشا جانە 1500-دەن استام ءتۇرلى كاليبرلى وق-ءدارى الىندى.
سوت- بالليستيكالىق ساراپتاما تاعايىندالىپ، سوتقا دەيىنگى تەرگەۋ ءجۇرىپ جاتىر.
جالپى جىلدىڭ باسىنان ۇ ق ك پوليتسيا ورگاندارىمەن بىرلەسىپ قارۋدىڭ زاڭسىز اينالىمىنىڭ 13 ارناسىن، سونداي-اق ونى جاسىرىن جاسايتىن 2 سەحتى جويدى.
41 اۆتومات، 203 مىلتىق، 121 تاپانشا، 57 قول گراناتاسى، 1 گرانات اتقىش، 44 جارىلعىش قۇرىلعى جانە ءارتۇرلى كاليبردەگى 11 138 پاترون تاركىلەندى.
قارۋدىڭ زاڭسىز اينالىمىمەن كۇرەس شارالارى جالعاسۋدا.
