قاڭتار تراگەدياسىن اقپاراتتىق ايلا-شارعى قۇرالى رەتىندە پايدالانۋ جالعاسادى-ابزال قۇسپان
ءماجىلىس دەپۋتاتى، 2022-جىلعى قاڭتار وقيعاسىنان كەيىن قۇرىلعان «امانات» قوعامدىق كوميسسياسىنىڭ ءتوراعاسى ابزال قۇسپان Maqsut Narikbayev University جانىنداعى MIND عىلىمي- تالداۋ ورتالىعىندا 2022-جىلعى قاڭتارداعى وقيعالاردى تالداۋعا ارنالعان بايانداماسىن تانىستىرىپ، نەگىزگى تەزيستەرىنە توقتالدى، دەپ Kazinform.
تالقىلاۋعا قاڭتار وقيعالارىن باعالاۋعا ماماندانعان جانە ءوز جۇمىسىندا وسى تاقىرىپتى كوتەرىپ جۇرگەن ساراپشىلار مەن جۋرناليستەر قاتىستى.
باياندامادا 2022-جىلدىڭ قاڭتارىنداعى وقيعالار زاڭدى بيلىكتى قارۋلى كۇشپەن قۇلاتۋعا باعىتتالعان ەل تاريحىندا العاشقى ۇيىمداسقان ارەكەت بولعانى ايتىلادى.
«جاپپاي تارتىپسىزدىكتەردىڭ باتىستان وڭتۇستىككە قاراي تۇراقسىزداندىراتىن قوزعالىسى رەسۋرستىق ايماقتاردى، كولىك بايلانىستارىن قامتىدى. ايماقتارداعى بيلىكتى باسىپ الۋ جونىندەگى ۇيلەستىرىلگەن ءىس- شارالار ەلدىڭ باتىسىنان شىعىسىنا قاراي تۇراقسىزدىق شەڭبەرىن ورناتىپ، ورتالىق ايماقتار مەن استانانى قورشاپ، ولاردى وقشاۋلاۋ ءۇشىن قۇرىلدى»،-دەيدى ابزال قۇسپان.
بايانداما اۆتورى قاڭتار تراگەدياسىن قازىرگى بيلىكتىڭ رەفورمالارىنا كەدەرگى كەلتىرۋ ءۇشىن پايدالانۋ تاجىريبەسى بار ەكەنىن ايتادى.
«2022-جىلعى 3-6-قاڭتاردا قازاقستاندا بولعان وقيعالار ەل ىشىندە جانە ودان تىس جەرلەردە اقپاراتتىق ايلا-شارعى جاساۋ قۇرالىنا اينالدى. بەلگىلى ءبىر ىقپال ەتۋ توپتارى ءالى كۇنگە دەيىن قازىرگى بيلىكتىڭ بەدەلىن ءتۇسىرۋ جانە رەفورمالاردى قۇنسىزداندىرۋ ماقساتىندا اقپاراتتىق شابۋىلدار ءۇشىن قاڭتار تراگەدياسىن قولدانۋدا جانە بولاشاقتا دا قولدانۋىن جالعاستىرادى» -دەيدى «امانات» قوعامدىق كوميسسياسىنىڭ ءتوراعاسى.
اۆتور
ەسىمجان ناقتىباي
