21:58, 19 - ناۋرىز 2024 | GMT +6
قاڭتار كەزىندە تۇتقىنداردى ازاپتاعان ءۇش پوليتسەي 3 جىلعا سوتتالدى
الماتى. KAZINFORM - بۇگىن، 19- ناۋرىزدا الماتى قالاسى المالى اۋداندىق سوتىندا قاڭتار وقيعاسى كەزىندە ازاپتاۋ فاكتىسى بويىنشا ءۇش پوليتسيا قىزمەتكەرىنە ۇكىم شىقتى. ولار قىلمىستىق كودەكستىڭ 146-بابى بويىنشا ايىپتالعان.
قىلمىستىق ءىستى الماتى قالاسىنىڭ ارنايى پروكۋرورلارى تەرگەدى.
پروكۋرورلار 2022-جىلعى 9- قاڭتاردا المالى اۋداندىق پوليتسيا باسقارماسىنا جەتكىزىلگەن 3 ازاماتتى كىنالى پوليتسەيلەر ازاپتاعانىن دالەلدەدى.
زاڭسىز ارەكەت سالدارىنان ءۇش جابىرلەنۋشى جاپا شەككەن.
سوت ۇكىمىمەن ءۇش سوتتالۋشى ارناۋلى اتاعى مەن مەملەكەتتىك قىزمەتتە جۇمىس ىستەۋ قۇقىعىنان ايىرىلدى.
ولار 3 جىل مەرزىمگە باس بوستاندىعىنان ايىرىلىپ، سوت زالىندا قاماۋعا الىندى.
ۇكىم زاڭدى كۇشىنە ەنگەن جوق.