قاڭتار ايىنداعى ۇ ب ت باستالعالى 15 مىڭعا جۋىق تالاپكەر تەست تاپسىردى
استانا. KAZINFORM - سىناق تاپسىرعان تالاپكەرلەردىڭ 67 پايىزى قازاق تىلىندە، 32,9 پايىزى ورىس تىلىندە، 13 ادام اعىلشىن تىلىندە تەستىلەۋدەن ءوتتى.
ۇ ب ت باستالعالى شەكتى بالدى 67 پايىزعا جۋىق تالاپكەر جينادى. ورتاشا بالعا كەلەتىن بولساق، ول 59 بالدى قۇرادى. ەڭ جوعارى بال - 133.
«قاڭتار ايىنداعى ۇ ب ت- نىڭ ءبىرىنشى اپتاسى اياقتالدى. تەستىلەۋ 10- اقپانعا دەيىن وتەدى. ەستەرىڭىزگە سالا كەتسەم، تەستىلەۋگە قاتىسۋعا 136 مىڭ ءوتىنىش كەلىپ ءتۇستى. قازىرگى تاڭدا تەستكە قاتىسۋشىلاردىڭ باسىم بولىگى، اتاپ ايتقاندا، 19 پايىزى «ماتەماتيكا-فيزيكا» پاندەر كومبيناتسياسىن تاپسىردى. 14 پايىزى «بيولوگيا-حيميا» كومبيناتسياسىن تاڭداعان. ەڭ از تاڭدالعان كومبيناتسيا - «حيميا-فيزيكا»، ونى 22 ادام تاپسىرعان»، - دەپ اتاپ ءوتتى ق ر ع ج ب م ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
ەرەكشە ءبىلىم بەرۋ قاجەتتىلىكتەرى بار وقۋعا تۇسۋشىلەر ءۇشىن قولايلى جاعداي جاساۋدىڭ ارقاسىندا ۇ ب ت- عا ءبىرىنشى اپتادا 52 تالاپكەر قاتىسقانىن ايتا كەتكەن ءجون.
تالاپكەرلەر تەستىلەۋ اياقتالعاننان كەيىن 30 مينۋت ىشىندە اپەللياتسياعا بەرە الادى. سەرتيفيكات اپەللياتسيا تۋرالى شەشىم قابىلدانعاننان كەيىن تەستىلەنۋشىنىڭ جەكە كابينەتىندە قولجەتىمدى بولادى.
بۇگىنگى تاڭدا 12 تالاپكەر سمارتفون، شپارگالكا جانە باسقا دا تىيىم سالىنعان زاتتاردى الىپ ءوتۋ ارەكەتى سالدارىنان تەست تاپسىرۋ مۇمكىندىگىنەن ايىرىلدى. تەستىلەۋ كەزىندە ەرەجەلەردى بۇزعانى ءۇشىن اۋديتوريادان 5 ادام شىعارىلىپ، ولاردىڭ ناتيجەلەرى جويىلدى. وزگە تۇلعالار انىقتالعان جوق.
ايتا كەتسەك، 2024-جىلعى ۇبت اياقتالعاننان كەيىن كۇنتىزبەلىك جىلدىڭ 31- قازانىنا دەيىن تەستىلەۋدىڭ بەينەجازبالارىنا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە ەرەجەلەردى بۇزۋ فاكتىلەرى انىقتالعان جاعدايدا ءتۇسۋشىنىڭ ۇ ب ت ناتيجەلەرى جويىلادى.
