قاسىم- جومارت توقايەۆ YTO Express Co.، Ltd كومپانياسىنىڭ باسقارما ءتوراعاسى يۋ حۋەي دزياونى قابىلدادى
كەزدەسۋ بارىسىندا ەلەكتروندى كوممەرتسيا، كولىك جانە لوگيستيكا سالالارىنداعى ءوزارا ءتيىمدى ىنتىماقتاستىق پەرسپەكتيۆالارى تالقىلاندى، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ.

قاسىم- جومارت توقايەۆ ەلىمىزدە Alibaba, Wildberries، OZON جانە JDcom سەكىلدى ءىرى ماركەتپلەيستەر جۇمىس ىستەپ جاتقانىن اتاپ ءوتتى. قازاقستان 2030 -جىلعا قاراي ەلەكتروندى ساۋدا ۇلەسىن جالپى ساۋدا- ساتتىق نارىعىنىڭ 20 پايىزىنا دەيىن جەتكىزۋدى جوسپارلاپ وتىر.
اڭگىمەلەسۋ بارىسىندا پرەزيدەنتكە قىتايدىڭ تەز جەتكىزۋگە ماماندانعان ەڭ ءىرى لوگيستيكالىق وپەراتورلارىنىڭ ءبىرى ءبىزدىڭ نارىققا كەلىپ، ورتالىق ازياداعى باس كەڭسەسىن قازاقستاندا اشۋدى كوزدەپ وتىرعانى جونىندە مالىمەت بەرىلدى. بۇل ۋاعدالاستىق «قازپوشتا» اكتسيونەرلىك قوعامى مەن YTO Express Group اراسىنداعى ىنتىماقتاستىق تۋرالى كەلىسىمگە قول قويۋ اياسىندا بەكىتىلەدى.
- قىتايدىڭ «ءبىر بەلدەۋ، ءبىر جول» باستاماسى اياسىندا ءسىزدىڭ كومپانياڭىزبەن ءوزارا ءتيىمدى ىنتىماقتاستىق ورناتۋ ءۇشىن زور مۇمكىندىگىمىز بار. بۇگىندە ەلەكتروندى كوممەرتسيا - ەكونوميكانىڭ ەڭ جىلدام دامىپ كەلە جاتقان سالالارىنىڭ ءبىرى. الەمدىك ج ءى ءو- نىڭ شامامەن 7 تريلليون دوللار قارجىسى وسى سالادان قۇرالادى. قازاقستان ەلەكتروندى كوممەرتسيانى دامىتۋعا ايرىقشا ءمان بەرەدى، - دەدى قاسىم- جومارت توقايەۆ.
يۋ حۋەي دزياو مەملەكەت باسشىسىنا كومپانيانىڭ قازاقستانداعى نەگىزگى جوباسى تۋرالى باياندادى. اتاپ ايتقاندا، كاسىپورىن ەلىمىزدىڭ ءبىرقاتار وڭىرىندە «ا» ساناتىنا جاتاتىن جوعارىتەحنولوگيالىق مۋلتيمودالدى ورتالىقتار سالۋدى جوسپارلاپ وتىر. مۇنداي ينفراقۇرىلىم تاۋاردى جەدەل وڭدەپ، ونى ەۋروپا وداعى، ەۋرازيالىق ەكونوميكالىق وداق جانە ورتالىق ازيا ەلدەرىنە شىعارۋعا وڭتايلى جاعداي جاسايدى. ال ينتەللەكتۋالدى IT- شەشىمدەردى ەنگىزۋ لوگيستيكا پروتسەسىن تولىقتاي اۆتوماتتاندىرۋعا مۇمكىندىك بەرىپ، ەلەكتروندى كوممەرتسيا تاۋارلارىنىڭ كەدەننەن جىلدام ءوتۋىن قامتاماسىز ەتەدى.