قاسىم-جومارت توقايەۆ يسلام دامۋ بانكىنىڭ پرەزيدەنتى مۇحاممەد سۋلەيمان ءال- دجاسسەردى قابىلدادى
استانا. قازاقپارات - اڭگىمەلەسۋ بارىسىندا ەل ەكونوميكاسىنىڭ ءوسىمىن ىنتالاندىرۋ ماقساتىندا ءوزارا ءتيىمدى ىنتىماقتاستىق قۇرۋ پەرسپەكتيۆالارى تالقىلاندى.
مەملەكەت باسشىسى يسلام دامۋ بانكى قازاقستاننىڭ ورنىقتى دامۋعا ۇمتىلىسى جولىندا سەنىمدى سەرىكتەس بولىپ كەلە جاتقانىنا نازار اۋداردى.
بانكپەن ىنتىماقتاسا جۇمىس ىستەگەن جىلدار ىشىندە جالپى ينۆەستيتسيا كولەمى 2 ميلليارد دوللارعا جۋىقتايتىن 70 تەن استام بىرلەسكەن جوبا جۇزەگە اسىرىلدى.
قاسىم-جومارت توقايەۆ اتالعان بانكپەن اراداعى ستراتەگيالىق نەگىزگى كەلىسىمنىڭ جاڭارۋىن قۇپتادى. ونىڭ اياسىندا ءبىرقاتار ماڭىزدى ينفراقۇرىلىمدىق جانە يندۋستريالىق جوبانى جۇزەگە اسىرۋ ءۇشىن قوسىمشا قارجىلاي قولداۋ شارتتارى قاراستىرىلعان.
ءوز كەزەگىندە مۇحاممەد سۋلەيمان ءال-دجاسسەر بىرلەسكەن جوبالاردىڭ جۇزەگە اسىرىلۋىن وڭ باعالاپ، قازاقستان ەكونوميكاسىن ءارتاراپتاندىرۋ ىسىنە ودان ءارى اتسالىسۋعا دايىن ەكەنىن جەتكىزدى.
