قاسىم-جومارت توقايەۆ يران يسلام رەسپۋبليكاسىنىڭ پرەزيدەنتى يبراحيم رايسيگە كوڭىل ايتتى
قاسىم-جومارت توقايەۆ يراننىڭ كەرمان قالاسىندا بولعان لاڭكەستىك ارەكەت سالدارىنان كوپتەگەن ادامنىڭ قازا تابۋىنا بايلانىستى يبراحيم رايسيگە كوڭىل ايتتى، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ.
- كەرمان قالاسىندا بولعان لاڭكەستىك ارەكەت سالدارىنان جۇزدەگەن ادامنىڭ قازا تاپقانى جانە جاراقات العانى تۋرالى سۋىت حاباردى تەرەڭ كۇيزەلىسپەن قابىل الدىم. وسىنداي اۋىر ساتتە قايعى-قاسىرەتتەرىڭىزگە ورتاقتاسىپ، بارشا قازاقستاندىقتاردىڭ جانە جەكە ءوز اتىمنان سىزگە، جاقىندارىنان ايىرىلعان ازاماتتارعا، سونداي- اق بۇكىل يران حالقىنا كوڭىل ايتامىن،-دەپ جازىلعان جەدەلحاتتا.
مەملەكەت باسشىسى باقيلىق بولعانداردىڭ جاندارى ءجانناتتا بولۋىنا، ال زارداپ شەككەندەردىڭ تەزىرەك ساۋىعىپ، وتباسىلارىنا امان-ەسەن ورالۋىنا تىلەكتەستىك ءبىلدىردى.
