قاسىم-جومارت توقايەۆ ىشكى ىستەر ءمينيسترى ەرجان سادەنوۆتى قابىلدادى

مەملەكەت باسشىسى ىشكى ىستەر ءمينيسترى ەرجان سادەنوۆتى قابىلدادى، دەپ حابارلايدى Kazinform اقورداعا سىلتەمە جاساپ.

президент
Фото: Фото: пресс-служба Акорды

قاسىم-جومارت توقايەۆقا ەلىمىز بويىنشا كىسى ءولتىرۋ، بۇزاقىلىق، ۇرلىق، قاراقشىلىق، توناۋ جانە مال ۇرلىعىنا قاتىستى قىلمىستار سانىنىڭ ايتارلىقتاي تومەندەۋىنە ىقپال ەتكەن الدىن الۋ شارالارى تۋرالى مالىمەت بەرىلدى.

كوشەلەردە قاۋىپسىزدىك دەڭگەيىنىڭ ارتقانى اتالىپ ءوتتى.

پرەزيدەنتكە قۇقىق بۇزۋشىلىقتارعا «مۇلدە توزبەۋشىلىك» جانە جازانىڭ بۇلتارتپاستىعى، كامەلەتكە تولماعانداردىڭ قۇقىعىن قورعاۋ جانە ينتەرنەت-الاياقتىققا قارسى ءىس-قيمىل بويىنشا جۇرگىزىلىپ جاتقان جۇمىستار جونىندە باياندالدى.

ەرجان سادەنوۆتىڭ ايتۋىنشا، جىل باسىنان بەرى اۋىسپالى نومىرلەردەن شالىنعان 37 ميلليون قوڭىراۋ بۇعاتتالىپ، زاڭعا قايشى كونتەنتى بار 16 مىڭ سايت انىقتالعان.

مەملەكەت باسشىسىنا ناشاقورلىققا جانە ەسىرتكى بيزنەسىنە قارسى كۇرەس جونىندەگى 2023-2025-جىلدارعا ارنالعان كەشەندى جوسپاردىڭ ىسكە اسىرىلۋى تۋرالى اقپارات بەرىلدى.

ءمينيستردىڭ ايتۋىنشا، 31 توننادان استام ەسىرتكى جانە 79 توننا پرەكۋرسور تاركىلەنىپ، 39 ەسىرتكى زەرتحاناسىن جويىلعان.

سونىمەن قاتار پرەزيدەنتكە قىلمىستىق-اتقارۋ جۇيەسى مەن ۇلتتىق ۇلان قىزمەتىنىڭ قازىرگى جاي-كۇيى تۋرالى ايتىلدى.

كەزدەسۋ سوڭىندا قاسىم-جومارت توقايەۆ ەلىمىزدەگى قۇقىقتىق ءتارتىپ پەن قوعامدىق قاۋىپسىزدىك دەڭگەيىن ودان ءارى ارتتىرۋعا باعىتتالعان ءبىرقاتار تاپسىرما بەردى.

سوڭعى جاڭالىقتار