17:56, 05 - تامىز 2024 | GMT +6
قاسىم-جومارت توقايەۆ تۇرىكمەنستان پرەزيدەنتىمەن تەلەفون ارقىلى سويلەستى
استانا. KAZINFORM - قاسىم-جومارت توقايەۆ تۇرىكمەنستان پرەزيدەنتى سەردار بەردىمۇحامەدوۆپەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.
مەملەكەتتەر باسشىلارى قازاق-تۇرىكمەن قاتىناستارىنىڭ قارقىندى دامىپ كەلە جاتقانىنا نازار اۋدارىپ، قازاقستان پرەزيدەنتىنىڭ بيىل كۇزدە تۇرىكمەنستانعا جوسپارلانعان ساپارىنىڭ دايىندىق بارىسىن تالقىلادى.
اڭگىمەلەسۋ بارىسىندا كولىك- لوگيستيكا، ەنەرگەتيكا، مادەني-گۋمانيتارلىق جانە باسقا دا سالالارداعى ەكىجاقتى ىنتىماقتاستىقتى ودان ءارى نىعايتۋدىڭ ماڭىزدى ەكەنى اتاپ ءوتىلدى.
ايتا كەتەيىك، بۇگىن مەملەكەت باسشىسى وزبەكستان پرەزيدەنتىنىڭ كومەكشىسى سايدا ميرزيەيەۆانى قابىلدادى.
كەزدەسۋ بارىسىندا ەكى ەل اراسىنداعى كوپجاقتى سەرىكتەستىكتى ودان ءارى ىلگەرىلەتۋگە قاتىستى وزەكتى ماسەلەلەر تالقىلاندى.
