قاسىم-جومارت توقايەۆ تۇركيا پرەزيدەنتىن قۇتتىقتادى
استانا. KAZINFORM - مەملەكەت باسشىسى تۇركيا پرەزيدەنتىنە قۇتتىقتاۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.
قاسىم-جومارت توقايەۆ رەجەپ تايپ ەردوعاندى تۇركيانىڭ ۇلتتىق مەيرامى - رەسپۋبليكا كۇنىمەن قۇتتىقتادى.
پرەزيدەنت قۇتتىقتاۋ جەدەلحاتىندا تۇركيانىڭ بىرلىگى مەن دامۋىنىڭ بىرەگەي نىشانى سانالاتىن بۇل كۇننىڭ ءمان-ماڭىزى ەرەكشە ەكەنىن اتاپ ءوتتى. سونىمەن قاتار بىرلەسكەن كۇش-جىگەر ارقىلى قازاقستان مەن تۇركيا اراسىنداعى ستراتەگيالىق ىنتىماقتاستىق ەكى ەل يگىلىگى ءۇشىن نىعايا بەرەتىنىنە سەنىم ءبىلدىردى.
قاسىم-جومارت توقايەۆ رەجەپ تايپ ەردوعاننىڭ اسا جاۋاپتى مەملەكەتتىك قىزمەتىنە تولاعاي تابىس، باۋىرلاس تۇرىك حالقىنا قۇت-بەرەكە تىلەدى.
وسىعان دەيىن قازاقستان پرەزيدەنتىنىڭ موڭعولياعا مەملەكەتتىك ساپارى اياسىندا ۇلان-باتىر قالاسىنداعى شىڭعىس حان ۇلتتىق مۋزەيىن ارنايى بارىپ كورگەنىن جازدىق.
