قاسىم-جومارت توقايەۆ «سامۇرىق-قازىنا» ا ق باسقارما ءتوراعاسىن قابىلدادى
پرەزيدەنت قاسىم-جومارت توقايەۆ «سامۇرىق-قازىنا» ا ق باسقارما ءتوراعاسى نۇرلان جاقىپوۆتى قابىلدادى، دەپ حابارلايدى قازاقپارات.

مەملەكەت باسشىسىنا قوردىڭ بيىلعى 8 ايدا اتقارعان جۇمىسىنىڭ قورىتىندىسى جونىندە باياندالدى.
نۇرلان جاقىپوۆ «سامۇرىق-قازىنا» ا ق كومپانيالار توبىنىڭ وندىرىستىك جانە قارجىلىق كورسەتكىشتەرى، سونداي-اق جىل قورىتىندىسى بويىنشا كۇتىلەتىن ناتيجەلەرىن تانىستىردى. سونىمەن قاتار قورعا قاراستى كومپانيالار توبىنىڭ ماڭىزدى جوبالارىن جۇزەگە اسىرۋ بارىسى جونىندە مالىمەت بەردى.
اتاپ ايتقاندا:
▪️جىل سوڭىنا دەيىن التى ءىرى جوبانى، اتاپ ايتقاندا استراحان - ماڭعىشلاق سۋ قۇبىرىن رەكونسترۋكتسيالاۋ؛
▪️«سارشا» جانە «جىلى جاعاجاي» ەلدى مەكەندەرىنە گاز قۇبىرىن تارتۋ؛
▪️بەينەۋ - جاڭاوزەن گاز قۇبىرىنىڭ 2-جەلىسىن جانە ماقات - سولتۇستىك كاۆكاز گاز قۇبىرىنىڭ لۋپينگىن سالۋ؛
▪ ءبىرىنشى گ ر ە س- ءتىڭ 1-بلوگىن قالپىنا كەلتىرۋ؛
▪️ەلىمىزدىڭ ءبىرىڭعاي ەلەكترەنەرگەتيكالىق جۇيەسىنە قاراستى باتىس ايماعىنداعى ەلەكتر جەلىلەرىن كۇشەيتۋ جوبالارىن اياقتاۋ جوسپارلانىپ وتىر.
مەملەكەت باسشىسىنا قور اكتيۆتەرىن جەكەشەلەندىرۋ جوسپارىنىڭ ىسكە اسىرىلۋ بارىسى جونىندە مالىمەت بەردى.
كەزدەسۋ سوڭىندا قاسىم-جومارت توقايەۆ ينۆەستيتسيالىق جوبالاردى جۇزەگە اسىرۋ، سونداي-اق «سامۇرىق-قازىنا» قورىنا قاراستى بەيىندى ەمەس اكتيۆتەردى جەكەشەلەندىرۋ جانە كومپانيالارعا حالىقتىق IPO وتكىزۋ جونىندە ءبىرقاتار ناقتى تاپسىرما بەردى.