قاسىم- جومارت توقايەۆ رۋمىنيا پرەزيدەنتىنە قۇتتىقتاۋ جەدەلحاتىن جولدادى
قاسىم- جومارت توقايەۆ كلاۋس يوحاننيستى قازاقستان حالقىنىڭ جانە جەكە ءوزىنىڭ اتىنان رۋمىنيانىڭ ۇلتتىق مەرەكەسى- ۇلى بىرىگۋ كۇنىمەن قۇتتىقتادى، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ.
- رۋمىنيا - ساياسي تۇعىرى بەكەم، ەكونوميكاسىن نىعايتۋدا كوپتەگەن جەتىستىككە قول جەتكىزگەن حالىقارالىق قاۋىمداستىقتىڭ بەلسەندى مۇشەسى. وسى تۇستا ەلىڭىز الداعى ۋاقىتتا دا بيىك ماقسات- مۇراتتارعا جەتە بەرۋىنە تىلەكتەستىگىمدى بىلدىرەمىن. قازاقستان مەن رۋمىنيا اراسىندا قالىپتاسقان ءوزارا ءتيىمدى ىنتىماقتاستىق قارقىندى دامىپ كەلەدى. وعان ءسىزدىڭ قوسىپ وتىرعان جەكە ۇلەسىڭىزدى جوعارى باعالايمىن. ەكىجاقتى ىقپالداستىعىمىز كەلەشەكتە دە تابىسقا تولى بولاتىنىنا كامىل سەنىمدىمىن، - دەپ جازىلعان جەدەلحاتتا.
مەملەكەت باسشىسى قاسىم- جومارت توقايەۆ رۋمىنيا پرەزيدەنتى كلاۋس يوحاننيستىڭ اسا جاۋاپتى قىزمەتىنە تولايىم تابىس، ال رۋمىن حالقىنا باياندى باقىت پەن اماندىق تىلەدى.
