قاسىم- جومارت توقايەۆ قىتاي حالىق رەسپۋبليكاسىنا رەسمي ساپارمەن باردى
مەملەكەت باسشىسىن قۇرمەت قاراۋىلى ساپ تۇزەگەن بەيجىڭ اۋەجايىندا ق ح ر ونەركاسىپ جانە اقپارات ءمينيسترى جين چۋانلۋڭ جانە باسقا دا لاۋازىمدى تۇلعالار سالتاناتپەن قارسى الدى، دەپ حابارلايدى kazinform اقوردانىڭ باسپا ءسوز قىزمەتىنە سىلتەمە جاساپ.

ەكى كۇندىك رەسمي ساپار بارىسىندا پرەزيدەنت قاسىم- جومارت توقايەۆ ق ح ر ءتوراعاسى شي جينپيڭمەن، ق ح ر مەملەكەتتىك كەڭەسىنىڭ پرەمەرى لي جياڭمەن جانە بۇكىل قىتايلىق حالىق وكىلدەرى جينالىسى تۇراقتى كوميتەتىنىڭ ءتوراعاسى جاۋ لەجيمەن كەلىسسوزدەر جۇرگىزەدى، سونداي- اق جوعارى دەڭگەيدەگى «ءبىر بەلدەۋ، ءبىر جول» باستاماسىنىڭ III فورۋمىنا قاتىسادى.
سونىمەن قاتار قاسىم- جومارت توقايەۆ بەيجىڭ ءتىل جانە مادەنيەت ۋنيۆەرسيتەتىنىڭ اۋماعىندا ورناتىلعان ءابۋ ناسىر ءال- فارابي بيۋستىن سالتاناتتى تۇردە اشادى.
بۇدان بولەك، ساپار اياسىندا قىتايدىڭ ءىرى كومپانيالارى باسشىلارىمەن ءبىرقاتار كەزدەسۋ وتكىزەدى.

