قاسىم-جومارت توقايەۆ قازاقستان مەن قىتاي اراسىنداعى بىرلەسكەن جۇمىستىڭ 5 باعىتىن اتادى

 استانا. KAZINFORM - مەملەكەت باسشىسى قاسىم-جومارت توقايەۆ شينحۋا اقپارات اگەنتتىگىنە بەرگەن سۇحباتىندا ەكى ەلدىڭ اراسىنداعى جۇمىستىڭ 5 باعىتىن اتادى.

«تابىستى ەكىجاقتى ىنتىماقتاستىقتىڭ 32 جىل بويى قۋاتتى نەگىزىن قالاعانىمىزدى ەسكەرە وتىرىپ، قازاقستان تاتۋ كورشىلىك قارىم-قاتىناستى ودان ارى نىعايتۋ، الىس- بەرىستى جانداندىرۋ جانە پراكتيكالىق ءوزارا ءىس-قيمىلدى تەرەڭدەتۋ ءۇشىن بار كۇش-جىگەرىن سالۋعا دايىن. سوندىقتان دا وسىناۋ كەزەڭدە بىرلەسكەن جۇمىستىڭ 5 باعىتى اسا ماڭىزدى.

ينۆەستيتسيالىق سالاداعى ىنتىماقتاستىقتى تەرەڭدەتۋ. اۋىل شارۋاشىلىعى، جاڭا ەنەرگەتيكا، ماشينا جاساۋ سىندى سالالارعا ەرەكشە نازار اۋدارعان ءجون. سونىمەن قاتار يندۋستريالاندىرۋ مەن قوسىلعان قۇنى جوعارى ءونىم وندىرىسىنە دە جۇمىلۋ قاجەت.

ساۋدا قۇرىلىمىن ءارتاراپتاندىرۋ مەن تاۋارلار اتاۋلارىن ارتتىرۋدى قوسا العاندا ەلدەرىمىز اراسىنداعى تاۋار اينالىمىن ارتتىرۋ. زاماناۋي قۇرالداردى، ونىڭ ىشىندە ەلەكتروندى كوممەرتسيا مەن ەلەكتروندى ساۋدا الاڭدارىن پايدالانۋ كەرەك»، - دەدى مەملەكەت باسشىسى.

ق ر پرەزيدەنتى 2024 -جىل «ءبىر بەلدەۋ، ءبىر جول» جاھاندىق باستاماسىن ودان ارى ىلگەرىلەتۋ ءۇشىن ماڭىزدى جىل سانالاتىنىن اتاپ ءوتتى.

«ول باستامالاردىڭ كەزەكتى 10 جىلدىعى ساناعىمەن ەرەكشە. ءبىز ءۇشىن وسىناۋ مەگا باستامانىڭ نەگىزگى ءالى بۇلجىماس قاتىسۋشىسى، سونداي- اق سەنىمدى ەۋرازيالىق كولىك حابى جانە «ءبىر بەلدەۋ، ءبىر جولدىڭ» ورتالىق لوگيستيكالىق تورابى رەتىندە قازاقستاننىڭ ءرولىن كۇشەيتۋ اسا ماڭىزدى. بۇل رەتتە ءبىزدىڭ نازارىمىز ليانيۋنگان پورتىنىڭ، سيان قالاسىنداعى قۇرعاق پورتتىڭ جانە «قورعاس - شىعىس قاقپا» ا ە ا- نىڭ مۇمكىنشىلىگىن بەلسەندى پايدالانۋعا باسا نازار اۋدارىلادى.

ەكى ەلدىڭ كولىك ىنتىماقتاستىعىن كەڭەيتۋ. بۇگىندە «دوستىق- مويىنتى» تەمىر جول ۋچاسكەسىنىڭ ەكىنشى جولىن سالۋ جالعاسىپ جاتىر. مۇنان بولەك، ءبىزدىڭ ورتاق شەكارامىزدا ءۇشىنشى تەمىر جول وتكىزۋ پۋنكتىن سالۋدى باستاۋ مەجەلەنگەن.

مادەني- گۋمانيتارلىق سالاداعى كوپ قىرلى ءوزارا ءىس- قيمىلدى جانداندىرۋ. ۆيزاسىز رەجيم ورناتۋ، ءوزارا مادەني ورتالىقتارىن، «لۋ بان شەبەرحاناسىن» ، ج و و فيليالدارىن اشۋ، سونىمەن قاتار اۋە رەيستەرىن ۇلعايتۋ بويىنشا تۇراقتى جۇمىس حالىقتارىمىز اراسىنداعى ءوزارا تۇسىنىستىك پەن دوستىقتى ودان ارى نىعايتۋ جولىنداعى ماڭىزدى قادام بولماق. ەلدەرىمىز قازاقستان مەن قىتاي اراسىنداعى قارىم- قاتىناستىڭ جاڭا «التىن 30 جىلدىعى» اياسىندا ءبىزدى جارقىن بولاشاق جولىندا بىرىكتىرەتىن ۇلكەن جەتىستىكتەر مەن جەڭىستەر كۇتىپ تۇر دەپ سەنىممەن ايتۋعا بولادى»، - دەدى قاسىم-جومارت توقايەۆ.