قاسىم-جومارت توقايەۆ: قازاقستان ش ى ۇ اياسىندا كرەاتيۆتى يندۋستريانى دامىتۋدىڭ ورتالىعى بولا الادى

 Қасым-Жомарт Тоқаев: Қазақстан ШЫҰ аясында креативті индустрияны дамытудың орталығы бола алады
Фото: Ақорда

استانا. KAZINFORM - پرەزيدەنت قاسىم-جومارت توقايەۆ شاڭحاي ىنتىماقتاستىق ۇيىمىنىڭ سامميتى اياسىندا ءوتىپ جاتقان «ش ى ۇ+» كەزدەسۋىندە ۇيىم اياسىنداعى ءبىلىم بەرۋ گرانتتارىنىڭ سانىن ارتتىرۋدى ۇسىندى.

«قازاقستان كرەاتيۆتى يندۋستريانى دامىتۋدىڭ ورتالىعى بولا الادى جانە جىل سايىن ش ى ۇ ەلدەرىندەگى جاس كوشباسشىلار مەن دارىنداردىڭ كەزدەسۋىن وتكىزۋدى ۇسىنادى. ءبىلىم بەرۋ سالاسىنداعى ىنتىماقتاستىققا قوسىمشا سەرپىن قاجەت. جاڭا وقۋ ورىندارى مەن ديالوگ سەرىكتەستەردى قوسۋ ارقىلى ش ى ۇ ۋنيۆەرسيتەتىنىڭ جەلىسىن كەڭەيتۋ ورىندى بولار ەدى. ستۋدەنتتەرگە، اسىرەسە تەحنيكالىق سالالاردا، بەرىلەتىن گرانتتار سانىن جىل سايىن ۇلعايتىپ وتىرۋى كەرەك. قازاقستان ءوز تاراپىنان جەتەكشى جوعارى وقۋ ورىندارىندا ءبىلىم الۋ ءۇشىن عىلىمي جانە ءبىلىم گرانتتارىن بەرۋ تاجىريبەسىن جالعاستىرۋعا دايىن»، - دەدى قاسىم-جومارت توقايەۆ.

پرەزيدەنت ش ى ۇ اياسىنداعى ىنتىماقتاستىق ۇستانىمدارىنا ادال ەكەنىن اتاپ ءوتتى.

«قورىتىندىلاي كەلە، قازاقستاننىڭ ش ى ۇ جانە «ش ى ۇ+» فورماتتارىنداعى جان-جاقتى جانە ءوزارا ءتيىمدى ىنتىماقتاستىققا دەگەن ۇستانىمى بەرىك ەكەنىن قايتالاپ ايتقىم كەلەدى. شىۇ سەرىكتەس ەلدەرىنىڭ بارلىق سىندارلى ۇسىنىستارى بىرەگەي ۇيىمىمىزدىڭ ودان ءارى پروگرەسسيۆتى دامۋىنا جاڭا سەرپىن بەرەتىنىنە سەنىمدىمىن»، - دەدى مەملەكەت باسشىسى.

سوڭعى جاڭالىقتار