قاسىم-جومارت توقايەۆ قاتار امىرىمەن تەلەفون ارقىلى سويلەستى
پرەزيدەنت قاسىم-جومارت توقايەۆ قاتار ءامىرى شەيح ءتاميم بەن حاماد ءال تانيمەن تەلەفون ارقىلى سويلەستى، دەپ حابارلايدى قازاقپارات.

مەملەكەتتەر باسشىلارى شىنايى دوستىق پەن ءوزارا ىنتىماقتاستىق رۋحىندا دامىپ كەلە جاتقان ەكىجاقتى قاتىناستاردىڭ جاي- كۇيىنە كوڭىلدەرى تولاتىنىن ايتتى. سونداي-اق ولار ەڭ جوعارى دەڭگەيدەگى ىقپالداستىق قارقىنىن ساقتاۋعا دايىن ەكەنىن مالىمدەدى.
قاسىم-جومارت توقايەۆ قاتاردى قازاقستاننىڭ اراب الەمىندەگى ستراتەگيالىق سەرىكتەستەرىنىڭ ءبىرى رەتىندە اتاپ ءوتتى. پرەزيدەنتتىڭ پىكىرىنشە، قاتار ءامىرىنىڭ جۋىرداعى ساپارى جانە استانا حالىقارالىق فورۋمىنا قاتىسۋى قازاق-قاتار ىنتىماقتاستىعىنا تىڭ سەرپىن بەردى.
اڭگىمەلەسۋ بارىسىندا ەكى ەل باسشىلارى بۇعان دەيىن قول قويىلعان كەلىسىمدەر نەگىزىندە ساۋدا-ەكونوميكالىق ىنتىماقتاستىقتى نىعايتۋ پەرسپەكتيۆالارىن تالقىلادى، سونىمەن قاتار سەرىكتەستىكتى ودان ءارى كەڭەيتۋ باعىتتارىن ايقىندادى.