16:15, 18 - ناۋرىز 2025 | GMT +5
قاسىم-جومارت توقايەۆ پەن شاۆكات ميرزيەيەۆ تەلەفون ارقىلى سويلەستى
استانا. KAZINFORM - پرەزيدەنتتەر ءبىر-ءبىرىن كەلە جاتقان ناۋرىز مەيرامىمەن قۇتتىقتاپ، باۋىرلاس حالىقتارعا باق-بەرەكە تىلەدى. بۇل تۋرالى اقوردا ءمالىم ەتتى.
- مەملەكەت باسشىسى اڭگىمەلەسۋ بارىسىندا ەكىجاقتى ىنتىماقتاستىقتىڭ دامۋ قارقىنى جوعارى ەكەنىن اتاپ ءوتىپ، ونىڭ قازاقستان مەن وزبەكستان اراسىنداعى ستراتەگيالىق سەرىكتەستىك پەن وداقتاستىق قاتىناستاردىڭ دەڭگەيىنە تولىق ساي كەلەتىنىن جەتكىزدى، - دەلىنگەن حابارلامادا.
تاراپتار ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق ىقپالداستىقتى ودان ءارى تەرەڭدەتۋگە نيەتتى ەكەندەرىن راستادى.
سونداي-اق الداعى ۋاقىتقا جوسپارلانعان كەزدەسۋلەر كەستەسىن تالقىلادى.
ەسكە سالا كەتەيىك، بۇعان دەيىن مەملەكەت باسشىسىنىڭ جارلىعىمەن اتوم ەنەرگياسى جونىندەگى اگەنتتىك قۇرىلعانىن جازعان بولاتىنبىز.
