قاسىم-جومارت توقايەۆ فرانسيا پرەزيدەنتىنىڭ اتىنان ۇيىمداستىرىلعان مەملەكەتتىك قابىلداۋعا قاتىستى
پاريج. KAZINFORM – ق ر پرەزيدەنتى قاسىم-جومارت توقايەۆ فرانسيا پرەزيدەنتىنىڭ اتىنان ۇيىمداستىرىلعان مەملەكەتتىك قابىلداۋعا قاتىستى، دەپ حابارلايدى اقوردا.
مەملەكەت باسشىسىنىڭ قۇرمەتىنە وراي فرانسيا پرەزيدەنتى ەليسەي سارايىندا مەملەكەتتىك قابىلداۋ وتكىزدى.
قاسىم-جومارت توقايەۆ ەممانيۋەل ماكرون مەن ونىڭ زايىبى بريدجيت ماكرونعا قازاق دەلەگاتسياسىنا ەرەكشە قوناقجايلىق كورسەتكەنى جانە دوستىق پەيىلدەرى ءۇشىن ريزاشىلىق ءبىلدىردى.
مەملەكەتتىك قابىلداۋعا فرانسيانىڭ ۇكىمەت مۇشەلەرى، بەلگىلى ساياساتكەرلەر، ىسكەرلىك توپ، عىلىم جانە ديپلوماتيا وكىلدەرى، سونداي-اق ەكى ەلدىڭ كورنەكتى مادەنيەت جانە سپورت قايراتكەرلەرى شاقىرىلدى.
ايتا كەتەيىك، بۇعان دەيىن پرەزيدەنتتىڭ فرانسيا رەسپۋبليكاسىنا مەملەكەتتىك ساپارمەن بارعانىن جازعانبىز.
سونىمەن قاتار، Kazinform ءتىلشىسى قازاقستان مەن فرانسيا قارىم-قاتىناسىنىڭ نىعايۋىن جان- جاقتى قامتىپ كوردى.
ەليسەي سارايىندا قازاقستان پرەزيدەنتى قاسىم-جومارت توقايەۆتى رەسمي قارسى الۋ ءراسىمى ءوتتى.
قازاقستان مەن فرانسيا پرەزيدەنتتەرى بىرلەسكەن دەكلاراتسيا قابىلدادى.
سونىمەن قاتار ەممانيۋەل ماكرون قازاقستان پرەزيدەنتىنىڭ فرانسياعا ساپارى تۋرالى جازبا جاريالادى.
پرەزيدەنت فرانسياعا ساپارى تۋرالى «ىستىق ىقىلاسقا ەرەكشە ءتانتى بولدىم» دەپ جازدى.
