قاسىم-جومارت توقايەۆ شي جينپيڭدى اقوردادا قارسى الدى

Тоқаев - Си Цзиньпин
Фото: akorda.kz

استانا. KAZINFORM - مەملەكەت باسشىسى قاسىم-جومارت توقايەۆ قازاقستانعا مەملەكەتتىك ساپارمەن كەلگەن قىتاي حالىق رەسپۋبليكاسىنىڭ ءتوراعاسى شي جينپيڭدى اقوردادا قارسى الدى.

مارتەبەلى مەيماننىڭ ساپارىنا وراي سالتاناتتى راسىمدەر زالىندا قۇرمەت قاراۋىلى ساپ تۇزەپ، ونىڭ باستىعى مەملەكەت باسشىلارىنا سالەمدىك بايانات بەردى. وسىدان كەيىن پرەزيدەنتتىك وركەستر ەكى ەلدىڭ مەملەكەتتىك ءانۇراندارىن ورىندادى.

В Акорде состоялась торжественная церемония встречи Председателя Китайской Народной Республики Си Цзиньпина
Фото: Akorda

ءانۇرانداردى تىڭداپ بولعاننان كەيىن قاسىم-جومارت توقايەۆ پەن شي جينپيڭ كىلەمشە بويىمەن قازاقستان رەسپۋبليكاسىنىڭ مەملەكەتتىك تۋىنا قاراي ءجۇردى. ونىڭ الدىنا كەلگەندە مەيمان توقتاپ، باسىن ءسال ءيىپ، ءوزىنىڭ قۇرمەتىن ءبىلدىردى. سونان سوڭ مەيمان مەن پرەزيدەنت قۇرمەتتى قاراۋىل ساپىنىڭ بويىمەن ءجۇردى.

قىتاي باسشىسى قۇرمەتتى قاراۋىل باستىعىمەن قوشتاستى.

Си Цзиньпин прибыл в Акорду
Фото: Akorda

قازىرگى ۋاقىتتا مەملەكەت باسشىلارى شاعىن قۇرامداعى كەزدەسۋگە ءوتتى.

ақорда
Фото: akorda.kz

ەسكە سالا كەتەيىك، كەشە پرەزيدەنت قاسىم-جومارت توقايەۆ قازاقستانعا مەملەكەتتىك ساپارمەن كەلگەن ق ح ر ءتوراعاسى شي جينپيڭدى ەلوردا اۋەجايىندا كۇتىپ العان ەدى. مارتەبەلى قوناقتى سالتاناتپەن قارسى الۋ ءۇشىن اۋەجايدا قۇرمەت قاراۋىلى روتاسى ساپ تۇزەپ تۇردى. سونداي- اق قازاقستان مەن قىتاي حالىقتارىنىڭ شىنايى دوستىعىنىڭ بەلگىسى رەتىندە بالالار ەكى ەلدىڭ جالاۋىن جەلبىرەتىپ، قوشەمەت كورسەتتى. بالالار ءتوراعا شي جينپيڭ باستاعان ق ح ر دەلەگاتسياسىنا ءىلتيپات ءبىلدىرىپ، قىتاي تىلىندە ءان شىرقادى.

سوڭعى جاڭالىقتار