قاسىم- جومارت توقايەۆ اقوردادا گۆينەيا-بيساۋ پرەزيدەنتىن قارسى الدى
استانا. KAZINFORM - مەملەكەت باسشىسى قاسىم- جومارت توقايەۆ اقوردادا ەلىمىزگە رەسمي ساپارمەن كەلگەن گۆينەيا- بيساۋ پرەزيدەنتى ۋمارۋ سيسوكۋ ەمبالونى سالتاناتپەن قارسى الدى.
الدىمەن قاسىم-جومارت توقايەۆ پەن ۋمارۋ سيسوكۋ ەمبالو ءبىر- بىرىنە رەسمي دەلەگاتسيا مۇشەلەرىن تانىستىردى. وسىدان كەيىن مارتەبەلى مەيماننىڭ ساپارىنا وراي سالتاناتتى راسىمدەر زالىندا ساپ تۇزەگەن قۇرمەت قاراۋىلىنىڭ باستىعى مەملەكەت باسشىلارىنا سالەمدىك بايانات بەردى. پرەزيدەنت وركەسترى ەكى ەلدىڭ مەملەكەتتىك ءانۇرانىن ورىندادى.
ءانۇرانداردى تىڭداپ بولعاننان كەيىن ەكى ەلدىڭ پرەزيدەنتتەرى كىلەمشە بويىمەن قازاقستان رەسپۋبليكاسىنىڭ مەملەكەتتىك تۋىنا قاراي ءجۇردى. ونىڭ الدىنا كەلگەندە مەيمان توقتاپ، باسىن ءسال ءيىپ، ءوزىنىڭ قۇرمەتىن ءبىلدىردى. سونان سوڭ مەيمان مەن پرەزيدەنت قۇرمەتتى قاراۋىل ساپىنىڭ بويىمەن ءجۇردى. قۇرمەتتى قاراۋىل باستىعىمەن قوشتاستى.
قازىرگى ۋاقىتتا مەملەكەت باسشىلارى جوعارى دەڭگەيدەگى كەلىسسوزدەر جۇرگىزىپ جاتىر. جوعارى دەڭگەيدە ءوتىپ جاتقان كەلىسسوزدەر بارىسىندا قازاقستان مەن گۆينەيا- بيساۋ اراسىنداعى ساياسي، ساۋدا- ەكونوميكالىق، مادەني- گۋمانيتارلىق سالالارداعى ىنتىماقتاستىق پەرسپەكتيۆاسى تالقىلانباق.
بۇعان دەيىن 18 جەلتوقسان كۇنى مەملەكەت باسشىسى قاسىم- جومارت توقايەۆتىڭ شاقىرۋىمەن گۆينەيا- بيساۋ پرەزيدەنتى ۋمارۋ سيسوكۋ ەمبالو استاناعا رەسمي ساپارمەن كەلەتىنىن حابارلاعان ەدىك.
