قاسىم- جومارت توقايەۆ اقتوبە وبلىسىنىڭ ينۆەستيتسيالىق الەۋەتىمەن تانىستى
اقتوبە وبلىسىنا جۇمىس ساپارى اياسىندا پرەزيدەنتكە ايماق باسشىسى اسحات شاحاروۆ ءوڭىردىڭ ەكونوميكالىق الەۋەتى مەن پەرسپەكتيۆتى ينۆەستيتسيالىق جوبالارى تۋرالى باياندادى، دەپ حابارلايدى Kazinform اقورداعا سىلتەمە جاساپ.
وبلىس اكىمىنىڭ ايتۋىنشا، بيىلعى 10 ايدا ءوڭىر ەكونوميكاسىنا 804,4 ميلليارد تەڭگە ينۆەستيتسيا تارتىلعان.
بۇل كورسەتكىش وتكەن جىلدىڭ وسى كەزەڭىمەن سالىستىرعاندا 8,2 پايىزعا كوپ.
سالىنعان قارجىنىڭ نەگىزگى بولىگى، ياعني 725,5 ميلليارد تەڭگە جەكە ينۆەستورلارعا تيەسىلى.
سونىڭ ىشىندە وڭدەۋ ونەركاسىبىنە 62,6 ميلليارد تەڭگە، مەتالل كەنىن يگەرۋگە 145,6 ميلليارد تەڭگە قۇيىلعان.
بيىل جالپى سوماسى 57,2 ميلليارد تەڭگە بولاتىن 19 ءىرى جوبانى ىسكە قوسۋ جوسپارلانعان.
بارلىق ينۆەستيتسيالىق جوبا ءۇشىن جاسىل ءدالىز قاعيداتى ەنگىزىلگەن.
ءبىرقاتار ينفراقۇرىلىمدىق جوبا ازىرلەنگەنى تۋرالى مالىمەت بەردى.
قازىر اقتوبە — قارابۇتاق — ۇلعايسىن اۆتوجولىنىڭ جوبالىق- سمەتالىق قۇجاتتارى دايىندالىپ جاتىر.
اقتوبەدە كارىز جۇيەسىن تازارتۋ قوندىرعىسىن سالۋ جونىندەگى جوبانى تانىستىردى.
قۇنى 53,5 ميلليارد تەڭگە بولاتىن جوبانى ىسكە اسىرۋ ءۇشىن ەۋروپالىق قايتا قۇرۋ جانە دامۋ بانكىنەن قارجى تارتىلماق.
اقتوبە قالاسىنا «بۇحارا — ورال» ماگيسترالدى گاز قۇبىرىنان ءۇشىنشى جەلىنى تارتۋ جۇمىستارى جونىندە باياندادى.
جوبانىڭ جۇزەگە اسىرىلۋى قولدانىستاعى گاز قۇبىرلارىنىڭ جۇكتەمەسىن ازايتۋعا مۇمكىندىك بەرەدى.
