قاسكەلەڭنەن الماتىعا اپارار جول سەگىز جولاقتى بولادى
استانا. KAZINFORM - قاسكەلەڭنەن الماتىعا اپاراتىن جول 8 جولاققا دەيىن كەڭەيتىلىپ، بەس ارنايى كولىك ەستاكاداسى سالىنادى. بۇل تۋرالى الماتىعا جۇمىس ساپارى اياسىندا بارعان كولىك ءمينيسترى مارات قارابايەۆ ايتتى.

جۇمىس مەملەكەت باسشىسىنىڭ الماتى اگلومەراتسياسىن دامىتۋ جونىندەگى تاپسىرماسى اياسىندا جۇرگىزىلەدى. قۇرىلىس ەكى كەزەڭدە جۇرگىزىلمەك.
ءبىرىنشى كەزەڭ اياسىندا ءۇ ا ا ا ج- نان (ۇلكەن الماتى اينالما اۆتوموبيل جولى) قاسكەلەڭ وتكەلىنە دەيىنگى ۋچاسكە قامتىلسا، ەكىنشى كەزەڭدە قاسكەلەڭ وتكەلىنەن ايتەي اۋىلىنا بۇرىلىسقا دەيىنگى ۋچاسكە قامتىلماق. جوبالاۋ جۇمىستارى باستالدى.
اتالعان شارا كولىك قاتىناسىن جاقسارتۋعا جانە جول ءجۇرۋ ۋاقىتىن ەداۋىر قىسقارتۋعا مۇمكىندىك بەرەدى دەپ جوسپارلانعان. ءسوز ەتىلگەن ۋچاسكەدەگى وتكىزۋ قابىلەتى تاۋلىگىنە 60 مىڭنان 90 مىڭ كولىككك دەيىن ۇلعايادى. جولدىڭ كەڭەيۋى كەپتەلىستىڭ تومەندەۋىنە اكەلەدى دەپ جوسپارلانىپ وتىر.
اۆتوكولىك جۇرگىزۋشىلەرى مەن جاياۋ جۇرگىنشىلەر ءۇشىن قوزعالىس قاۋىپسىزدىگىن قامتاماسىز ەتۋ ءۇشىن ماماندار 12 جەر ءۇستى جاياۋ جۇرگىنشىلەر وتكەلىن سالادى.
الماتى جولدارى جاڭا تەحنولوگيامەن جوندەلىپ جاتقانىن جازعان بولاتىنبىز.