قارۋلى ەر مەن ايەل سوت عيماراتىنا شابۋىل جاسادى

ىستانبۇل. KAZINFORM - ىستانبۇلدا چاعلايان اۋداندىق سوت عيماراتىنىڭ كىرەبەرىسىندەگى كۇزەت پۋنكتىنە قارۋلى شابۋىل جاسالدى، دەپ حابارلايدى انادولى اگەنتتىگى.

بۇل تۋرالى تۇركيانىڭ ىشكى ىستەر ءمينيسترى ءالي ەرليكايا Х الەۋمەتتىك جەلىسىندە حابارلادى.

ونىڭ ايتۋىنشا، شابۋىل جاساعان ەكى ادام (ەر ادام جانە ايەل) ءولتىرىلدى.

شابۋىل سالدارىنان 6 ادام جاراقات الدى، ونىڭ اراسىندا پوليتسيانىڭ ءۇش قىزمەتكەرى بار، دەپ حابارلادى مينيستر.

وقيعا جەرگىلىكتى ۋاقىتپەن ساعات 11:46 دا بولعان، دەپ ناقتىلادى ۆەدومستۆو باسشىسى.

ءمينيستردىڭ حابارلاۋىنشا، شابۋىل جاساعاندار DHKP/C لاڭكەستىك ۇيىمىنىڭ مۇشەلەرى بولعان.