قارجىلىق مونيتورينگ اگەنتتىگى پەريزات قايراتقا قاتىستى تاعى ءبىر دەرەكتى جاريالادى

ق م ا ەرىكتىلەر قوزعالىسىنىڭ بەلسەندىسى پەريزات قايراتقا قاتىستى تاعى ءبىر دەرەكتى جاريالادى. ياعني، ونىڭ زاڭسىز ارەكەتىنىڭ تاعى ءبىر ەپيزودى انىقتالعان.

«2023 -جىلدىڭ قاراشا ايىندا پەريزات قايرات پالەستينا تۇرعىندارىنا گۋمانيتارلىق كومەك كورسەتۋ ءۇشىن قاراجات جيناۋدى ۇيىمداستىردى.

2023 -جىلعى جەلتوقساندا وسى اقشا ەسەبىنەن پەريزات قايرات «Sensata Plaza» ەليتالىق كەشەنىنەن 49 ميلليون تەڭگەگە ءۇش بولمەلى پاتەر جانە 30 ميلليون تەڭگەگە «Mercedes-Benz EQE 500 4 Matic» جاڭا اۆتوكولىگىن ساتىپ الدى.

سونىمەن قاتار، قاراجاتتىڭ ءبىر بولىگى ب ا ءا-دە «Rolex» ،«Prada» جانە «Fendi» برەندتىك بۋتيكتەرىنەن زەرگەرلىك بۇيىمداردى، ساعاتتار مەن كيىمدەردى ساتىپ الۋعا جۇمسالدى»، - دەلىنگەن اگەنتتىك حابارلاماسىندا.

بۇل ەپيزود بويىنشا پەريزات قايرات 200 ميلليون تەڭگەدەن اسا قاراجاتتى جىمقىردى دەپ كۇدىكتەلۋدە.

تەرگەۋ جالعاسۋدا.

«ەگەر ءسىز پەريزات قايراتتىڭ الاياقتىق ارەكەتتەرىنىڭ قۇربانى بولساڭىز، استانا قالاسى بەيبىتشىلىك كوشەسى، 10-مەكەن-جايى بويىنشا نەمەسە 77172708478+ تەلەفون ءنومىرى بويىنشا قارجىلىق مونيتورينگ اگەنتتىگىنە حابارلاسۋىڭىزدى سۇرايمىز»، - دەپ جازدى ۆەدومستۆودان.

ايتا كەتەيىك، بۇعان دەيىن پەريزات قايرات پاراسپورت فەدەراتسياسىنداعى قىزمەتىنەن الىندى.

ونىڭ الدىندا ەرىكتىلەر قوزعالىسىنىڭ بەلسەندىسى جانە قوعامدىق قايىرىمدىلىق قورىنىڭ قۇرىلتايشىسى پەريزات قايرات ۇستالىپ، وعان قاتىستى تەرگەۋ جۇرگىزىلىپ جاتقانى بەلگىلى بولدى.

اۆتور
اسحات رايقۇل